Уголовнэ Iоф къафызэIуахыгъ
Росгвардием и ГъэIорышIапIэу Адыгэ Республикэм щыIэм икъулыкъушIэ нэбгыритфымэ шъобжхэр зэратыращагъэхэм къыхэкIэу Мыекъуапэ щыпсэурэ нэбгыритфымэ алъэныкъокIэ Мыекъуапэ ипрокуратурэ уголовнэ Iоф къызэIуихыгъ.
ЗэрагъэунэфыгъэмкIэ, 2025-рэ илъэсым гъэтхапэм чэщыр хэкIотагъэу илъэс 19 — 20 зыныбжь нэбгыритфыр зэрешъуагъэхэм къыхэкIэу Мыекъуапэ дэт кафеу «Порталым» зычIамыгъахьэхэм, кIуачIэр къызфагъэфедэзэ Росгвардием икъулыкъушIэхэм апэуцужьыгъэх. Охътабэ темышIэу бзэджэшIагъэ зезыхьагъэхэр агъэунэфыгъэх. Ахэр зыщеджэхэрэ Адыгэ къэралыгъо университетым ыкIи Мыекъопэ къэралыгъо технологическэ университетым япащэхэм мы хъугъэ-шIагъэм фэгъэхьыгъэу тхылъхэр афагъэхьыгъэх.
КъулыкъушIэхэм апэуцужьыгъэхэм илъэси 10-м нэс хьапс атыралъхьан алъэкIыщт.
Уголовнэ Iофыр зэхифынэу Мыекъопэ къэлэ хьыкумым фагъэхьыгъ.