Урысыем боксымкIэ ипервенствэу илъэс 13 — 14 зыныбжь кIалэхэр зыхэлэжьагъэхэм те­кIоныгъэр къыщыдихыгъ Адыге­им щыщ Мелик Аветисян. Зэнэкъокъухэр къалэу Сыктывкар, Республикэу Коми, щыкIуагъэх. Тибоксер кг 48-м нэс къэзыщэчыхэрэм якуп хэтэу финалым нэсыгъ. Чемпионыр къызыщынэфэщт зэIукIэгъум ар Респуб­ликэу Къырым къикIыгъэ Моисей Оглы тефагъ ыкIи 5:0-у ащ текIуагъ. Мелик тренерхэу Григорий Бегларянрэ Андрей Никитинымрэ агъасэ.

— Дунаим щызэлъашIэрэ боксер сыхъуныр симурад, — еIо спортсменым. Бэдзэогъум и 22 — 28-м сербскэ къалэу Златиборэ щыкIощт дунэе зэнэкъокъум Мелик Аветисян хэлэжьэнэу щыт.