Мыекъуапэ испортсменхэр апэ итых
Адыгэ Республикэм шахматхэмкIэ ипервенствэу нэбгырэ 49-рэ зыхэлэжьагъэр Мыекъуапэ щыкIуагъ.
Спортсменхэр Мыекъуапэ, Кощхьэблэ, Мыекъопэ, Тэхъутэмыкъое районхэм къарыкIыгъэх. Зэнэкъокъухэр мэфихырэ кIуагъэх. Спортсменхэм урысые рейтингэу яIэмкIэ купи 6-у зэтеутыгъагъэх. ЕшIэгъу пэпчъ такъикъ 60 аратыщтыгъ. Купэу зэрэзэтеутыгъэ пэпчъкIэ Мыекъуапэ ишахматистхэр апэ итыгъэх.
Анахь гъэшIэгъонэу кIуагъэхэр 2018 — 2019-рэ илъэсхэм къэхъугъэ шъэожъыехэм ыкIи пшъэшъэжъыехэм язэнэкъокъухэр ары. Апэрэ чIыпIэр ыубытыгъ Сэмэгу Тимур, ятIонэрэ хъугъэ Тимофей Иршенкэр, ящэнэ-
рэ чIыпIэр фагъэшъошагъ Федор Ванголуй. Мы ныбжьым къыхиубытэрэ пшъэшъэжъыехэмкIэ апэрэ чIыпIэр къыхьыгъ Долэ Аидэ, ятIонэрэ хъугъэ Бзэгъэжъ Камиллэ, ящэнэрэ чIыпIэр ыубытыгъ Нина Саноян.
2016 — 2017-рэ илъэсым къэхъугъэ шъэожъыехэм азыфагу текIоныгъэ къыщыдахыгъ Мэрэтыкъо ТIахьир, Максим Сафаргалеевым ыкIи Хьатхъохъу Тамерлан. Пшъэшъэжъыехэм — Пхэнэе Дана, Елизавета Псикуновар ыкIи Алиса Баточко. Анахьыжъхэр зыхэхьэрэ купым (2014 — 2015-рэ илъэсым къэхъугъэхэр) шъэожъыехэм азыфагу текIоныгъэр щиубытыгъ Виктор Мкртумовым. 2024-рэ илъэсым текIоныгъэр къыдэзыхыгъэгъэ Роман Киракосян ятIонэрэ хъугъэ. Ящэнэрэ чIыпIэм щыт Дмитрий Жуковыр.
Пшъэшъэжъые анахьыжъхэр зыхэхьэрэ купым текIоныгъэр къыщыдихыгъ Бзэгъэжъ Даринэ, ятIонэрэ хъугъэ Тина Горяевар, ящэнэрэ чIыпIэр Дана Цыганковам ыубытыгъ.
ТекIоныгъэ къыдэзыхыгъэхэм Къыблэ федеральнэ шъолъырым ипервенствэ хэлэжьэнхэм ифитыныгъэ яIэ хъугъэ.