Бзылъфыгъэхэри хъулъфыгъэхэри зыхэлэжьэхэрэ дунэе турнирэу «Russiаn Judo Tour» зыфиIорэм иятIонэрэ чэзыу Челябинскэ щызэфашIы­жьыгъ.

Мэкъуогъум и 29-м хъулъфы­гъэхэм азыфагу щыкIогъэ зэнэ­къокъухэм Урысыем икIыгъэхэр апэ итыгъэх, бзылъфыгъэхэм къа­щэчырэм елъытыгъэу зыхэхьэщтыгъэ купищым щыщэу тIумкIэ текIоныгъэр къыдахыгъ. Урысы-
ем идзюдоистхэм дышъэу медаль 13, тыжьынэу — 14 ыкIи джэрзэу 21-рэ къалэжьыгъ. Ахэм ащыщэу зы медаль Адыгэ Республикэм идзюдоистэу Бэгъ Аслъан къы­хьыгъ. Финалым нэсыгъэу ащ къытекIуагъ ятIонэрэ илъэс хъугъэу дышъэ медалыр Челябин-
скэ къыфэзыхьырэ Денис Коро­таевыр.
КомандэхэмкIэ апэрэ чIыпIэр Урысыем изэхэт командэ къыфагъэшъошагъ. ЯтIонэрэ сатырым тетых Монголием илIыкIохэр (1 — 0 — 2), ящэнэрэр Казахстан икоманд (0 — 0 — 2).
Мы зэнэкъокъухэм яящэнэрэ чэзыу шышъхьэIум къалэу Красноярскэ щыкIощт.