Лъытэныгъэ зыфэтшIырэ
кIалэхэмрэ пшъашъэхэмрэ!

НыбжьыкIэхэм я МафэкIэ тышъуфэгушIо!
НыбжьыкIэгъур хэти ыгу нахь къинэжьырэ, щыIэныгъэ гъогур къызыхахырэ, гухэлъ инхэмрэ гугъэпIэшхохэмрэ къызыущыхэрэ, ятворческэ амалхэм зы­къыщызэIуахырэ, текIоныгъакIэхэм зафэблырэ лъэ­хъанэу щыт.
Урысыеми, Адыгеими къарыкIощтыр бэкIэ зэлъытыгъэр ныбжьыкIэхэм яхъупхъагъ, ахэр щыIакIэм зэрэфытегъэпсыхьагъэхэр ары. Республикэм икъэралыгъо хэбзэ къулыкъухэм япшъэрылъ шъхьаIэхэм ащыщ ныбжьыкIэхэм шIэныгъэ куу яIэнымкIэ, къулайныгъэу аIэкIэлъхэр къызфагъэфедэнхэмкIэ, яфэшъошэ чIыпIэ обществэм щаубытынымкIэ, цIыфхэми, я Хэгъэгуи федэ къафахьызэ псэунхэмкIэ ыкIи Iоф ашIэнымкIэ ищыкIэгъэ амалхэр зехьэгъэнхэр.
Лъэпкъ проектхэм, республикэ, федеральнэ программэхэм адиштэу непэ ныбжьыкIэхэм IэпыIэгъу лъэпкъ зэфэшъхьафхэхр арагъэгъоты. Ахэм яшIуагъэ къэкIо ныбжьыкIэхэм ящыкIэгъэ къулайныгъэхэр аIэ къырагъэхьанхэмкIэ, ясэнэхьаткIэ лъыкIотэнхэмкIэ.
НыбжьыкIэхэм IэпыIэгъоу ядгъэгъотырэр Адыгеими, тихэгъэгушхуи зыпкъитыныгъэ арылъыным, хэхъоныгъэ ашIыным зэрафэлэжьэщтым тицыхьэ телъ. Къэралыгъо фэшIыгъэм игъэпсын республикэм иныбжьыкIэхэр нахь чанэу къыхэлэжьэнхэмкIэ ищыкIэгъэ амалхэр тапэкIи зетхьащтых.
Ныбджэгъу лъапIэхэр, мэфэкI гухахъо, псауныгъэ пытэ, щыIэкIэшIу шъуиIэнэу, еджэнми, IофшIэнми, унэгъошIэнми гъэхъагъэхэр ащышъушIынэу, Адыгеимрэ ти Хэгъэгушхоу Урысые Федерациемрэ апае текIоныгъакIэхэр шъушIынэу тышъуфэлъаIо!
Адыгэ Республикэм и ЛIышъхьэу, Урысые ­по­литическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр