Top.Mail.Ru

Зыфэгъэшъошагъэмэ хъущтхэр къагъэлъэгъуагъэх

ШIэныгъэм, литературэм, искусствэм алъэныкъо­кIэ Адыгэ Республикэм и Къэралыгъо шIухьафтынхэр зыфэгъэшъошагъэмэ хъущтхэр къагъэлъэгъуа­гъэх.

  1. ШIэныгъэм ылъэныкъокIэ:
    1) Хьанэхъу Руслъан Асхьад ыкъор итхылъэу «Адыгская (черкесская) философия и культура» зыфиIорэм пае;
    2) Унэрэкъо Мирэ Юныс ыпхъур итхылъэу «Традици­онная культура адыгов: избранные труды» зыфиIорэм пае;
    3) Бандурко Ирина Анатолий ыпхъумрэ Къудаикъо Нуриет Айсэ ыпхъумрэ ятхылъэу «В поисках старо­адыгских сортов яблони и груши» зыфиIорэм пае.
  2. Литературэм ылъэныкъокIэ:
    1) ЛIыхэсэ Мухьдин Исмахьилэ ыкъор итхылъэу «Нэфын» зыфиIорэм пае;
    2) Ложкин Николай Василий ыкъор итхылъэу «Старый город» зыфиIорэм пае.
  3. Искусствэм ылъэныкъокIэ:
    1) Беданэкъо Замирэ Мурат ыпхъумрэ ТIэшъу Светланэ Батырбый ыпхъумрэ телевизионнэ проектэу «Лъапсэ» зыфиIорэм пае;
    2) Абакумова Елена Виктор ыпхъур итриптихэу «Наследники традиций» зыфиIорэм пае;
    3) Тхьаркъохъо Азэмат Юныс ыкъор, Цэй Заремэ Арсен ыпхъур, Кукэнэ Алый Мурат ыкъор, Хъоджэе Аслъан Мурадин ыкъор, Унэрэкъо Раисэ Батмырзэ ыпхъур спектаклэу «Адыгэ джэгу» зыфиIорэм пае;
    4) Ацумыжъ Рустам Айдэмыр ыкъомрэ Мишин Константин Владимир ыкъомрэ спектаклэу «А зори здесь тихие…» зыфиIорэм пае;
    5) Даутэ Сусанэ Налбый ыпхъум орэдхэу «Си Адыгей», «Мэрамыжъей», «Сисабый», «Гъэмэфэ пчыхьэу» зыфиIохэрэм апае.
    ШIэныгъэм, литературэм, искусствэм алъэныкъокIэ АР-м и Къэралыгъо шIухьафтынхэр афэгъэшъошэгъэнхэмкIэ АР-м и ЛIышъхьэ дэжь щызэхэщэгъэ Комиссием (ыужкIэ Комиссиер тIозэ дгъэкIощт) творческэ, общественнэ организациехэр, научнэ коллективхэр, еджапIэхэр, культурэмрэ искусствэмрэкIэ учреждениехэр, къэбар жъугъэм иамалхэр къырегъэблагъэх шIэныгъэм, литературэм, искусствэм алъэныкъокIэ АР-м и Къэралыгъо шIухьафтынхэр зыфэгъэшъошагъэмэ хъущтхэм яIофшIагъэхэм атегущыIэнхэу. Ахэм зэратегущыIагъэхэмкIэ материалхэмрэ еплъыкIэу афыряIэхэмрэ 2025-рэ илъэсым шышъхьэIум и 1-м нэс мыщ фэдэ чIыпIэм щыIэ Комиссием IэкIагъэхьанхэ фае: 385000, къ. Мыекъуапэ, ур. Пионерскэр, 199, я 524-рэ каб.; телефонхэр: 57-13-57; 59-36-81.