Шапхъэу щыIэхэм къызэрэдалъытэу, Къырым лъэмыдж икIырэ автомобиль ыкIи автобус пэпчъ ауплъэкIу. Ахэм къахеубытэх цIыфэу арысхэри.

УплъэкIунхэм охътабэ амыхьыным фэшI гъэмафэр къызихьагъэм щегъэжьагъэу хэушъхьафыкIыгъэ чIыпIэхэу зыщауплъэкIухэрэм япчъагъэ хагъэхъуагъ. Ахэм Iоф ащызышIэхэрэр нахьыбэ хъугъэ. Джы чэщ-зымафэм лъэмыджым машинэ мин 15-м нэсэу зэпырыкIын алъэкIы.
Автомобильхэр ащ темыхьэхэзэ, лъэмыджым метрэ 200 – 300 фэдизкIэ пэчыжьэхэу, апэрэ уплъэкIунхэр акIух. Транспортым илъ Iалъмэкъхэм ыкIи Iэмэ-псымэхэм ялъытыгъэу уплъэкIунхэр зэтефыгъэх: IэкIэ зэрагъафэзэ зэплъыхэрэр е инспекционнэ уплъэ­кIун комплексыр зыщагъэфедэрэр.
Нахь псынкIэу ауплъэкIухэрэр водительхэр, цIыфхэр ыкIи Iалъмэкъхэр ары. Автобусхэр апэрапшIэу благъэкIых.
Комплексыр агъэфедэ хъумэ, автомобильхэм арылъыр къырамыхэу скан шIыкIэм тетэу ауплъэкIух. Ащ такъикъ 20 фэдиз ехьы.
Транспортым илъэу къепщэкIы мыхъущтхэр: Iашэр, къэорэ пкъыгъохэр, радиоактивнэ ыкIи нэмыкI пкъы­гъо зэфэшъхьафхэр.
Рулым кIэрысхэм тхылъэу аIыгъын фаехэри гъэ­нэфагъэх: водителым иудостоверение ыкIи СТС-р.
Паспортыр сыдигъокIи пIыгъымэ нахьышIу, ащ фэдэ уплъэкIун чIыпIэхэм ар ащыуищыкIэгъэщт.

НэкIубгъор зыгъэхьазырыгъэр
Гъомлэшк Байзэт.