Краснодар краим ичем­пионат иапшъэрэ лигэ щешIэрэ Мыекъопэ «Зэ­къошныгъ-2-м» ятIонэрэ къекIокIыгъор текIоныгъэкIэ ригъэжьагъ. Тикомандэ «Шъачэ-2-м» нахь лъэшыгъ. ЗэIукIэгъур ­республикэм икъэлэ ­шъхьаIэ щыкIуагъ.

Александр Белоусрэ Роман Малаховымрэ агъэсэрэ футболистхэм ешIэкIэ дахэ къагъэ­лъэгъуагъ. Апэрэ къекIокIыгъом Шъачэ щыкIогъэ зэIукIэгъум Краснодар краим илIыкIохэр
нахь щылъэшыгъэх, 1:0-у текIоныгъэр къыдахыгъ. Ау мызы­гъэгум Адыгеим ифутболистхэм хьакIэхэм якъэлапчъэ IэгоуиплI дадзагъ. Къахэщыгъэхэр: Семен Азаровым (тIогъогогъо), Хьэхъо Тамирлан ыкIи командэм икапитанэу Вячеслав Ру. Тикомандэ я 8-рэ чIыпIэм щыт, пэрытныгъэр зыIыгъыр Мыекъопэ районым ипсэупIэу Тульскэр къэзыгъэлъэгъорэ «Урожаир» ары.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Урожай» (Тульскэр) — 22.
2. «Урожай» (псэупIэу Ивановскаяр) — 20.
3. «Кубань-Холдинг-2» — 19.
4. «Петра» — 19.
5. «ГНС-Спартак» — 17.
6. «Торпедо» — 8.
7. «Шъачэ-2» — 8.
8. «Зэкъошныгъ-2» — 7.
9. «Олимп-Универспорт» — 5.
10. «Аполлония» — 0.