Бжыхьасэхэм яIухыжьын Адыгеим ичIыгулэжьхэр фежьагъэх. Апэрэ комбайнэхэр губгъом зэрихьагъэхэр, хьэм иIожьын Мыекъуапэ, Красногвардейскэ ыкIи Кощхьэблэ районхэм зэращыфежьагъэхэр АР-м и ЛIышъхьэу КъумпIыл Мурат исоциальнэ хъытыухэм къащитхыгъ.

— Мыгъэ ом изытет дэгъугъэ. Iоныгъор зэрифэшъуашэу, охътэ кIэкIым къыкIоцI зэрэзэхащэщтым елъытыгъэу ищыкIагъэр зэкIэ пэшъорыгъэшъэу чIыгулэжьхэм агъэхьазырыгъ. Ом изытет иягъэ къэмыкIомэ, лэжьыгъэ дэгъу къахьыжьынэу хъызмэтшIапIэхэр мэгугъэх, апэрэ къэгъэлъэгъонхэм ар къаушыхьаты. Кощхьэблэ районым гурытымкIэ зы центнерым гектар 54-рэ къыщырахы. Рес­публикэмкIэ зэкIэмкIи бжыхьэсэ гектар мини 107-рэ Iуахы­жьынэу апэ илъ, — къытхыгъ КъумпIыл Мурат.
Лэжьыгъэ гъэбэжъу къахьыжьынэу, ягухэлъхэр къадэхъунхэу республикэм ичIыгулэжьхэм АР-м и ЛIышъхьэ къафэ­лъэIуагъ.