2025-рэ илъэсым мэлылъфэгъум и 7-м аштэгъэ Федеральнэ законэу N 64-р зытетымкIэ Урысые Федерацием IофшIэнымкIэ и Кодекс ия 128-рэ статья зэхъокIыныгъэхэр фашIыгъэх.

ЫпкIэ зыхэмылъ зыгъэпсэфыгъо зэратырэ IофышIэхэм ахагъэхьагъэх:
— дзэкъулыкъушIэхэу, гражданхэу зэзэгъыныгъэ адэзышIыгъэхэм ыкIи фэхыгъэхэм, дзэ къулыкъумрэ зэзэгъыныгъэмрэ къыдалъы­тэрэ пшъэрылъхэр агъэцакIэхэзэ, къатыращэгъэ уIагъэхэм арылIыкIыгъэхэм е дзэ къулыкъур ахьызэ, зэзэгъыныгъэмкIэ пшъэ­рылъхэр агъэцакIэхэзэ узэу къяутэлIагъэм ыпкъ къикIыкIэ зидунай зыхъожьыгъэхэм янэ-ятэхэр, яшъхьэгъусэхэр, якIэлэ­цIыкIухэр (зыныбжь икъугъэхэри ахэм ахалъытэх). Илъэсым къыкIоцI мэфэ 14-м нэсэу ыпкIэ зыхэмылъ зыгъэпсэфыгъо ахэм къараты;
— дзэкъулыкъушIэхэу, гражданхэу зэзэгъыныгъэ адэзышIыгъэхэу контузие хъугъэхэм е уIагъэ зиIэ, шъобжхэр зытещагъэ хъугъэ­хэм, е дзэ къулыкъур зэрахьырэм, зэзэгъыныгъэмкIэ пшъэрылъхэр зэрагъэцакIэрэм япхыгъэу уз зиIэ хъугъэхэм янэ-ятэхэр, яшъхьэгъусэхэр, якIэлэцIыкIухэр (зыныбжь икъугъэхэри ахэм ахалъы­тэх). УIагъэ, уз зиIэхэм къадекIокIынхэм пае илъэсым мэфэ 35-м нэсэу ыпкIэ зыхэмылъ зыгъэпсэфыгъо ахэм къараты.