Зыныбжь имыкъугъэхэм Iоф ашIэн алъэкIыщт
2025-рэ илъэсым мэлылъфэгъум и 7-м аштэгъэ Федеральнэ законэу N 63-р зытетымкIэ Урысые Федерацием IофшIэнымкIэ и Кодекс ия 268-рэ статья зэхъокIыныгъэхэр фашIыгъэх.
Илъэс 14-м къыщегъэжьагъэу илъэс 18-м нэс зыныбжьхэм Iоф ашIэн зэралъэкIыщт шIыкIэр ахэм къызэхафы.
Илъэс 14 — 18 зыныбжьхэм гъэмэфэ зыгъэпсэфыгъом къыхэфэрэ тхьамэфэ, мыIофшIэгъу мэфэкI мафэхэм лэжьэнхэ залъэкIыщтыр цIыфхэм IофшIэн къафэзыгъотырэ къулыкъухэм зыныбжь имыкъугъэхэр агъэкIуагъэхэ е ныбжьыкIэ, кIэлэцIыкIу объединениехэу къэралыгъо IэпыIэгъу зэратыхэрэм яфедеральнэ е яшъолъыр реестрэ хэхьэрэ студенческэ отрядхэм Iоф ащашIэ зыхъукIэ ары.
Ащ пае зыныбжь имыкъугъэм ныбжьэу иIэм елъытыгъэу лэжьэным къызэрезэгъырэмкIэ ежь итхыгъэ е IофышIэмрэ ны-тыхэмрэ (зынаIэ къытезыгъэтырэмрэ) ятхыгъэ аIэкIагъэхьан фае.
КIэлэцIыкIу ибэхэр, ны-тыхэр зышъхьарымытыжьхэр лэжьэнхэм пае IофышIэр ыкIи кIэлIэцIыкIухэм зынаIэ атезыгъэтырэ къулыкъур е зыныбжь имыкъугъэм нэмыкI илIыкIо ащ къызэрезэгъырэмкIэ ятхыгъэ арахьылIэн фае.
Зигугъу къэтшIыгъэ Федеральнэ законым 2025-рэ илъэсым Iоныгъом и 1-м къыщегъэжьагъэу кIуачIэ иIэ хъущт.