ФутболымкIэ Урысыем изэнэ­къокъу иятIонэрэ лигэ икупэу «Б-м» хэт «Зэкъошныгъэм» зи­чэзыу ешIэгъоу иIагъэр Севастополь щыкIуагъ.

«Севастополь» — «Зэкъошныгъ» — 2:1 (1:0).
Къэлапчъэм Iэгуаор дэзы­дзагъэхэр: Рубан, Алиевыр, Абдуллаевыр.
«Севастополь» хэтыгъэх: В. Кучейкэр (къэлэпчъэIут), З. Алиевыр, В. Ганус (Л. Потаповыр), В. Гевлич (Л. Загребельнэр), А. Дугу, Е. Ливадновыр, И. Мокшиныр (Ю. Якуниныр), Б. Алиевыр, В. Мироненкэр, Д. Ивановыр (Р. Османовыр), С. Рубан (А. Смирновыр).
Тренер шъхьаIэр — Станислав Гудзикевич.
«Зэкъошныгъэм» щешIагъэх: М. Вертиевыр (къэлэпчъэIут), С. Черджиевыр, К. Юшко, Т. Мохбалиевыр, Х. Магомедбековыр, К. Антонец, А. Малкандуевыр (Э. Цанава), Н. Сергеевыр (З. Коблыр), Е. Рагулькиныр, Г. Абдуллаевыр, А. Делэкъор (Д. Антоненкэр).
Тренер шъхьаIэр — Сергей Мирошниченкэр.
Мы аужырэ уахътэм «Зэ­къо­ш­­ныгъэм» хэпшIыкIэу иешIакIэ ригъэхъугъ, республикэми, нэ­мыкI чIыпIэхэми ащыриIэ зэIукIэгъухэм очкохэр къащехьых. Мы ешIэгъум ипэублэ тикомандэ дэгъоу ригъэ­жьагъ, я 5-рэ такъикъым пчъагъэр къызэIуихын амал иIагъ. Ау «Севастополь» икъэлэпчъэIутэу Владислав Кучейкэр цыхьэшIэ­гъоу зэрешIагъэм къыхэкIэу тифутболистхэм ар къадэхъугъэп. Нэу­жым бысымхэм яешIакIэ нахь агъэлъэ­шыгъ, ахэм нахьыбэрэ Iэгуаор аIыгъыгъ ыкIи я 19-рэ такъикъым пчъагъэр къызэIуахыгъ. Къахэщы­гъэр Станислав Рубан. ЯтIонэрэ таймым ипэублэ Бекхан Алиевым тикъэлапчъэ Iэгуаор къыдидзагъ, пчъагъэр 2:0 хъугъэ. Я 8-рэ такъикъым «Зэкъошныгъэм» пенальти ыгъэцэкIэнэу къылэжьыгъ. Гаджимурад Абдуллаевыр къэлапчъэм блэохыгъэп – 2:1. Къэ­нэгъэ уахътэм тифутболистхэр бэрэ ыпэкIэ илъыгъэх, ау пчъагъэр зэблахъун алъэкIыгъэп. Бысымхэм текIоныгъэр къыда­хыгъ.
«Зэкъошныгъэм» итренер шъхьа­Iэу Сергей Мирошниченкэр мы ешIэгъур зезыщэгъэ судейскэ бригадэм ипшъэрылъхэр зэригъэ­цэкIагъэм ыгъэрэзагъэп.
— Дэеу тешIагъэп. Апэрэ таймым къэлапчъэм Iэгуаор дэтыдзэнымкIэ амалхэр тиIагъэх. Ау о дэмыдзэмэ, къыпфыдадзэщт. Ары футболыр зэрэщытыр, — къыIуагъ С. Мирошниченкэм.
Я 15-рэ турым изэфэхьысыжьхэр:
«Севастополь» — «Зэкъош­ныгъ» — 2:1, «Спартак-Налщык» — «Победа» — 0:2, «Астрахань» — «Ростов-2» — 2:0, «Легион» — «Динамо-2» — 2:0, «Ангушт» — «Динамо Ставрополь» — 1:0, «Нарт» — «Шъачэ-2» — 1:2, «Кубань Холдинг» — «Рубин Ялта» — 0:0.
Джырэ уахътэм апэрэ чIыпIэр зэдагощы «Динамо Ставрополь» ыкIи «Ростов-2» зыфиIорэ командэхэм. «Победэр» ящэнэрэ чIыпIэм къэкIожьыгъ. «Зэкъошны­гъэр» я 10-р. Зичэзыу ешIэгъур тикомандэ Мыекъуапэ щыриIэщт, мэкъуогъум и 25-м «Шъачэ-2-р» тихьакIэщт.
Командэхэр зыдэщыт чIыпIэхэр ыкIи очко пчъагъэу ра­гъэкъугъэр:

1. «Динамо Ставрополь» — 30.
2. «Ростов-2» — 30.
3. «Победа» — 28.
4. «Кубань Холдинг» — 27.
5. «Севастополь» — 26.
6. «Астрахань» — 23.
7. «Рубин Ялта» — 22.
8. «Легион» — 22.
9. «Шъачэ-2» — 22.
10. «Зэкъошныгъ» — 19.
11. «Нарт» — 16.
12. «Спартак-Налщык» — 12.
13. «Ангушт» — 10.
14. «Динамо-2» — 2.