ДзюдомкIэ Урысыем ихэшыпыкIыгъэ командэ ыпэкIэ къэгъэлъэгъонэу иIагъэхэм ащыригъэхъугъ къалэу ­Будапешт щыкIогъэ зэнэкъокъухэм.

Тиспортсменхэм гъэхъэгъэшIухэр ашIыгъэх — дышъэ медалищрэ джэрзэу тIурэ къа­хьыгъ. 1965-рэ илъэсым къыщыублагъэу тикомандэкIэ мыр анахь къэгъэлъэгъон дэгъу.
ТекIоныгъэр къыдахыгъ Тимур Арбузовым (килограмм 81-м нэс къэзыщэчыхэм якуп), Матвей Каниковскэм (килограмми 100-м нэс) ыкIи Инал Тасоевым (килограмми 100-м къехъухэрэм). Джэрз медальхэр къафагъэшъошагъэх Аюб Блиевым (килограмм 60-м нэс) ыкIи Арман Адамян (килограмми 100-м нэс).
2001-рэ илъэсым зэхащэгъэ дунаим ичемпионат Урысыем ихэшыпыкIыгъэ командэ дышъэ медалищ къыщыдихыгъагъ. Джы нэс ар анахь къэгъэлъэгъон дэгъугъ.
Командэхэм язэнэкъокъу Урысыем ятIонэрэ чIыпIэр щиубытыгъ, Япониер апэр.