ФутболымкIэ Адыгэ Республикэм и Къэралыгъо Совет — Хасэм ишIухьафтын зэрылъ зэнэкъокъум къыдыхэлъытагъэу мы мафэхэм зы ешIэгъу щыIагъ.

Адыгеим и Кубок икъыдэхын фэбанэхэрэ «Урожаимрэ» Теуцожь районым икомандэу «Чэ­чэнаимрэ» финалныкъом щызэIукIагъэх, ар псэупIэу Тульскэм щыкIуагъ. Мыекъопэ районым илIыкIохэр хэпшIыкIэу нахь лъэшыгъэх, 5:1-у те­кIоныгъэр къыдахыгъ. Джы «Урожаир» зыдешIэщтым ежэщт. Ар къэнэфэным пае ыпэ «Пат­риот-01 Улап» зыфиIорэмрэ «АГУ-Мыекъуапэрэ» зэIукIэщтых, ащ текIоныгъэр къыщыдэзыхырэр Джэджэ районым икомандэ IукIэщт. А ешIэгъум зэфэхьысыжьэу фэхъурэм елъытыгъэщт ятIонэрэ командэу финалым ихьащтыр.