Гъэсэныгъэ гупчэу «Полярис-Адыгеям» и Гъэмэфэ спорт еджапIэу Адыгэ къэралыгъо университетым изыгъэпсэфыпIэ чIыпIэу «Горная легенда» зыфиIо­рэм щызэхащагъэм иIофшIэн ыкIэм фэкIо.

Мы мафэхэм теннис цIыкIум, баскетболым, волейболым ыкIи кушъхьэфэчъэ спортым апыщагъэхэр спорт эстафетэм хэлэжьагъэх. НыбжьыкIэхэр отряди 6 хъущтыгъэх, командэ пэпчъ спортсмени 8 хэтыгъ. Волейболистхэм якомандэ текIоныгъэр къыдихыгъ, теннис цIыкIум зыфэзыгъасэхэрэм ятIонэрэ чIыпIэр афагъэшъошагъ, лазертагыр ящэнэр.
Мы пчыхьэ дэдэм джэгукIэу «Вышибалы» зыфиIорэмкIэ ныбжьыкIэхэм заушэтыгъ. Теннис цIыкIум пылъхэр анахь лъэшыгъэх, волейболистхэм ыкIи баскетболистхэм ятIонэрэ, ящэнэрэ чIыпIэхэр къыдахыгъэх. Гъэмэфэ спорт еджапIэр мэкъуогъум и 22-м зэфашIыжьыщт.