Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм иIофышIэхэм илъэс 24-рэ зыныбжь хъулъфыгъэм хэбзэнчъагъэу зэрихьэрэр къыхагъэщын алъэкIыгъ.

Урысые Федерацием щамыдэрэ дунэе террористическэ организацием Iофэу ыгъэцакIэрэм дыригъаштэзэ, ар ыухыизэ иеплъыкIэхэр ИнтернетымкIэ къыриIотыкIыхэу егуцэфагъэх.
Радикальнэ ислъам дунэееплъыкIэ зиIэм мессенджерэу «ТеIеgrам» зыфиIорэм иаккаунт, дунэе террористическэ организацием иамалхэр къызфигъэфедэхэзэ, терроризмэр зыщиухыирэ еплъыкIэхэр шъхьэихыгъэу ащ къыриIотыкIыщтыгъэх.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм иследственнэ къутамэ Урысыем и Уголовнэ кодекс ия 25.2-рэ статья ия 2-рэ Iахь къыдилъытэрэ бзэджэшIагъэр (террористическэ Iофтхьабзэхэр зэрахьанхэм къыфэджэгъэныр) зэрэзэрихьэрэм пае уголовнэ Iоф ащ къыпигъэтэджагъ.
Хъулъфыгъэм илъэси 5 хьапс тыралъхьан алъэ­кIыщт.