Аужырэ лъэхъаным Урысыем щынэгъончъэнымкIэ и Федеральнэ къулыкъу АР-мкIэ и ГъэIорышIапIэ цIыфхэм зыкъызэрэфагъазэрэм ипчъагъэ хэхъуагъ. Ар зыпкъ къикIырэри агъэунэфыгъэу щыт.

БзэджашIэхэм Федеральнэ къулыкъум «ицыхьэшIэгъу телефон» ехьыщыр номерхэр къызфагъэфедэхэзэ, цIыфхэм ашъхьэкIэ аугъоигъэ ахъщэр е банкым чIыфэу къыIахыгъэр гъэпцIагъэкIэ аIэкIахых.
Джащ фэдэу бзэджашIэхэм электроннэ мессенджерхэр къызфагъэфедэхэзэ, цIыфхэм афагъэхьы щынэгъончъэнымкIэ къулыкъум Iоф щашIэу нэпцI удостоверениехэри.
А Iофыгъохэм апкъ къикIэу Урысыем щынэгъончъэ­нымкIэ и Федеральнэ къулыкъу АР-мкIэ и ГъэIорышIапIэ цIыфхэм закъыфегъазэ амышIэрэ цIыф горэ телефонымкIэ къафытеоу щынэгъончъэнымкIэ къулы­къум иIофышIэу е следователэу къараIоу, бзэджэшIагъэ горэм хэщагъэ хъугъэхэу къэбар къаIэкIэгъа­хьэмэ.
ЦIыфхэм зыщагъэгъупшэ хъущтэп:
— щынэгъончъэным икъулыкъу иIофышIэхэм бзэджэшIагъэхэм ахэщэгъэ цIыфхэм япхыгъэ тхылъхэр тхыгъэхэу ежьхэм ашъхьэкIэ аратыжьы;
— шынэгъончъэнымкIэ къулыкъум иIофышIэхэм яудостоверениехэм атехыгъэ сурэтхэр нэмыкI цIыфхэм афагъэхьырэп;
— зэгорэм зэриIуагъэм пае банкхэм ахъщэ чIыфэ къаIыпхынэу щытэп, ахъщэр «щынэгъончъэ» счетэу щымыIэм рагъахьэрэп ыкIи ахэр нэмыкI цIыфхэу «курьеркIэ» заджэхэрэм аратырэп;
— бзэджэшIагъэхэр зезыхьагъэхэр къызэрэхагъэщыщтхэм пае цIыфхэм яахъщэ щынэгъончъэнымкIэ къулыкъум иIофышIэхэм агъэфедэрэп.
Зэфэхьысыжьхэм къызэрагъэлъагъоу, цIыфхэм яахъщэ гъэпцIагъэкIэ аIэкIахымэ, ащкIэ обществэм гумэкIыгъо ин къыхалъхьэ ашIоигъу.
ЯмыщыкIэгъэ ахъщэ чIыфэр аштэнэу къазэрараIорэм имызакъоу, а бзэджашIэхэм зэрар зэрахыгъэм макъэ рагъэIу щынэгъончъэнымкIэ къулыкъум иIофышIэхэу ыкIи нэпцI тхылъхэр къызфагъэфедэх.
Джащ фэдэу цIыфым имылъкоу Iахыгъэм къырагъэ­гъэзэжьыщт фэдэу къараIо. Ау ащ пае къызкIэлъэIухэ­рэр агъэцэкIэнхэу къафагъэпытэ.
НахьыбэрэмкIэ лъэIухэр зэпхыгъэхэр дзэкъулыкъу­шIэхэм, транспортым ыкIи банк зэфэшъхьафхэм япсэуалъэхэм зэрар зэрарахыщтыр ары.
Ау мы зекIокIэ-шIыкIэхэр хэбзэнчъэх ыкIи ащ пшъэдэкIыжь пылъ.
ЦIыфхэр мы Iофыгъохэм ахэхьанхэу щытэп ыкIи бзэджашIэхэр пыщэгъу амышIыхэмэ нахьышIу.
Урысыем щынэгъончъэнымкIэ и Федеральнэ къу­лыкъу АР-мкIэ и ГъэIорышIапIэ ипресс-къулыкъу