УрысыбзэмкIэ шIокI зимыIэ зыкI къэралыгъо ушэтыным изэфэхьысыжьхэр къэнэфагъэх.

Адыгеим иныбжьыкIэхэм ар зэрифэшъуашэу атыгъ, нэбгыри 3-мэ балли 100 рагъэкъугъ. Джащ фэдэу балл 90-м нахьыбэ къизыхыгъэхэр мымакIэу ахэтых.
Мыекъопэ лицееу N 34-р къэзыухырэ Александр Мусиным, Тэхъутэмыкъое районым ит гурыт еджапIэу N 25-м ще­джэгъэ Татьяна Лысенкэм ыкIи Мыекъуапэ дэт лицееу N 19-м къычIэкIырэ Яна Исущевам анахь балл иныр къырахыгъ.
— Илъэс пчъагъэхэм шIэныгъэу зэрагъэгъотыгъэм мыр изэфэхьысыжь. Егъэджэн сы­хьатхэм, гъэсэныгъэ тедзэхэм ащызэрагъэшIагъэр къагъэлъэгъожьыгъ. ЗиIофшIэн хэшIыкI ин фызиIэхэм Iоф зэрадашIагъэр мыщ къеушыхьаты. КIэлэ­егъаджэу мыпшъыжьэу ахэм апылъыгъэхэм тафэраз. Джащ фэдэу ны-тыхэу сыд хъугъэми, ясабыйхэм акъоуцуагъэхэми яIахьышIу ащ хэлъ, — къащитхыгъ исоциальнэ нэкIубгъохэм АР-м и ЛIышъхьэу КъумпIыл Мурат.
НыбжьыкIэхэм ящыIэныгъэ иапэрэ лъэбэкъоу ар зэрэщытыр, мыщ фэдэ къэгъэлъэгъонхэм амалышIухэр къы­зэрэзэ­Iуахыхэрэр АР-м и ЛIышъхьэ къыхигъэщыгъ. ЫпэкIи гъэхъэгъэшIухэр ашIын-
хэу къафэлъэ­Iуагъ.