ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэм» я 14-рэ турым къыдыхэлъытэгъэ ешIэгъоу иIагъэм текIоныгъэр къыщыдихыгъ.

Республикэм ихьэкIагъ Краснодар краир къэзыгъэлъэгъорэ командэу «Кубань Холдингыр».
«Зэкъошныгъ» — «Кубань Холдинг» — 3:1 (1:0).
Къэлапчъэм Iэгуаор дэзыдза­гъэхэр: Г. Абдуллаевыр (я 22-рэ ыкIи я 71-рэ такъикъхэм), Э. Цанава, Н. Фадеевыр.
«Зэкъошныгъэм» щешIагъэх: М. Вертиевыр (къэлэпчъэIут), С. Черджиевыр, М. Гаджимо­гомедовыр (Т. Мохбалиевыр), Х. Магомедбековыр, К. Юшко, К. Антонец, Э. Цанава, А. Малкандуевыр (З. Коблыр), Е. Рагуль­киныр(Д. Антоненкэр), Г. Абдуллаевыр (А. Куфанэр), А. Делэкъор (Н. Сергеевыр).
Тренер шъхьаIэр — С. Мирошниченкэр.
«Кубань Холдингым» хэтыгъэх: А. Стенякинныр (къэлэп­чъэIут), Н. Тагиевыр (А. Малолетовыр), А. Дашаевыр, Р. Гараевыр, И. Захаровыр, Р. Бабаян (П. Банщиковыр), Д. Котовыр
(Р. Веселовскэр), И. Оразаевыр, И. Сапожниковыр, Н. Фадеевыр (Д. Михайловыр), М. Дмитриевыр.
Тренер шъхьаIэр — Д. Фо­миныр.

«Кубань Холдингыр» я 3-рэ чIыпIэм щыт ыкIи ешIэгъу 13-у иIагъэм икъэлапчъэ Iэгоо 12 ны­Iэп къыдадзэн алъэкIыгъэр. Ар къэгъэлъэгъоныр «Зэкъошныгъэм» тIэкIу зэщигъэкъуагъ. Апэрэ та­къикъхэм къащегъэжьагъэу рес­публикэм икомандэ дэгъоу ­ешIагъ, бэрэ ыпэкIэ илъыщтыгъ. ЗэIукIэгъум еплъыгъэ цIыфхэри мыщ дэжьым тифутболистхэм IэпыIэгъушIу афэхъугъэх. Я 22-рэ та­къикъым ухъумакIохэм апхырыкIи къэлапчъэм Iэгуаор дидзагъ Гаджи­мурад Абдуллаевым, пчъа­гъэр — 1:0. Я 38-рэ такъикъым хьакIэхэм пчъагъэр зэфэдиз ашIын алъэкIыщтыгъ, ау ар къадэхъугъэп.
ЯтIонэрэ таймыми тикомандэ ешIэкIэ дахэ къыгъэлъэгъуагъ. Апэ Кирилл Юшко пчъагъэм хигъэхъон амал иIагъ, ау къэлап­чъэм тIэкIу блэугъ. ТакъикъитIу тешIагъэу Эдди Цанава къэлап
чъэм Iэгуаор дидзагъ, пчъагъэр 2:0 хъугъэ. Охътабэ темы­шIэу хьакIэхэм зы Iэгуао тикъэлап-
чъэ къыдадзагъ. Ау я 71-рэ та­къикъым Гаджимурад Абдул­лаевым пчъагъэм хигъэхъуагъ, 3:1-у зэIукIэгъур аухыгъ. Ащ ыгъэ­рэзагъ «Зэкъошныгъэм» итре­­нер шъхьаIэу Сергей Ми­рошниченкэр.
— ЕшIэгъум уеплъынкIэ гъэшIэгъоныгъ, тызыIукIэгъэ командэри къызэрыкIуагъэп. Ау текIоныгъэр къэдлэжьыгъэу сэлъытэ, анахьэу ятIонэрэ таймым. Пшъэ­рылъэу афэзгъэуцугъэр зэкIэ футболистхэм агъэцэкIагъ, ащкIэ инэу сафэраз. ТекIоныгъэу къыдэтхыгъэмкIэ футболыр зыгу рихьыхэрэм сафэгушIо, — къы­Iуагъ тренер шъхьаIэм.
Я 14-рэ турымь изэфэхьысыжьхэр:
«Зэкъошныгъ» — «Кубань Холдинг» — 3:1, «Ангушт» — «Ростов-2» — 2:3, «Рубин Ялта» — «Астрахань» — 0:1, «Динамо Ставрополь» — «Легион» — 3:1, «Динамо-2» — «Спартак-Налщык» — 2:3, «Победа» — «Шъа­чэ-2» — 3:1, «Нарт» — «Се­вастополь» — 1:2.
Джырэ уахътэм апэрэ чIыпIэр зэдагощы «Динамо Ставрополь» ыкIи «Ростов-2» зыфиIорэ командэхэм. «Кубань Холдингыр» ящэ­нэр. «Зэкъошныгъэр» текIоныгъэу къыдихыгъэм ишIуагъэкIэ я 8-рэ чIыпIэм къэкIуагъ. Зичэзыу ешIэгъур мэкъуогъум и 21-м иIэщт, командэу «Севастополь» IукIэщт.
Командэхэр зыдэщыт чIыпIэхэр ыкIи очко пчъагъэу ­рагъэкъугъэр:

1. «Динамо Ставрополь» — 30.
2. «Ростов-2» — 30.
3. «Кубань Холдинг» — 26.
4. «Победа» — 25.
5. «Севастополь» — 23.
6. «Рубин Ялта» — 21.
7. «Астрахань» — 20.
8. «Зэкъошныгъ» — 19.
9. «Шъачэ-2» — 19.
10. «Легион» — 19.
11. «Нарт» — 16.
12. «Спартак-Налщык» — 12.
13. «Ангушт» — 7.
14. «Динамо-2» — 2.