Илъэс къэс зэхащэрэ интернет-зэнэкъокъоу «Уры­сыем испорт унагъу» зыфиIорэм хэлэжьэнэу фаехэм ялъэIу тхылъхэм ятын ыкIэм фэкIо.

УФ-м спортымкIэ и Минис­терствэ Iофтхьабзэм икIэщакIу. Мыщ къэралыгъом щыпсэухэу шIоигъоныгъэ зиIэхэм зэкIэми зы­щаушэтын алъэкIыщт. Ащ дакIоу шъхьадж зыфэе спорт лъэныкъор къыхихын амал иI.
Лъэныкъоу къыхэшъухыгъэм елъытыгъэу шъуиунагъо фэгъэ­хьыгъэ къэбарыр видеотехыгъэу такъикъи 3-м къыриубытэрэм къыщыжъугъэлъэгъон фае. Лъэныкъуабэмэ зафэжъугъэзагъэ-
мэ, зыми фэмыдэ видеоролик къэ­жъугъэхьазырын фае, ащ шъуиунагъо фэгъэхьыгъэ тхыгъэ кIэкI игъусэнэу шапхъэм къыде­лъытэ.
Мэкъуогъум и 20-м нэс зэхэщакIохэм лъэIу тхылъхэр аштэщтых, мэкъуогъум и 30-м Iоф­шIагъэхэм уасэ афашIыщт, шы­шъхьэIум и 30-м текIоныгъэр къыдэзыхыгъэхэм ацIэхэр къараIощтых, ахэм афэгушIощтых. Лъэныкъо пэпчъ ащытекIуагъэхэм Урысыем икъалэхэм ащыщ зэ­рагъэлъэгъун амал яIэщт. Зэнэ­къокъум хэлажьэ зышIоигъохэм яматериалхэр сайтэу «www.norma-sport.ru» зыфиIорэм рагъэхьанхэ алъэкIыщт.