Советскэ Союзым и ЛIыхъужъэу Андырхъое Хъусен фэгъэхьыгъэ тхылъэу Адыгэ къэралыгъо университетым итхылъ тедзапIэ къыдигъэ-кIыгъэр мы мафэхэм Краснэ Площадым щыкIогъэ фести- валым къыща­гъэлъэгъуагъ.

Андырхъое Хъусен ищыIэныгъэ гъогу, илIыхъужъныгъэ фэгъэхьыгъэу кIэлэцIыкIухэм апае ар къыдагъэ­кIыгъ.
Тхылъэу «Андырхъое Хъусен» зыфиIорэр хэушъхьафыкIыгъэ сериеу «Адыгеим икIэлэцIыкIу литературэр» зыфиIорэм хахьэ. Ащ дэлэжьагъэх тхакIохэу КIуращынэ Лейлэ, Сихъу СултIан, сурэтышIэу Екатерина Несветайло.
— Андырхъое Хъусенэ лIы­гъэу зэрихьагъэр тыди щызэлъашIэ. ЫцIэ тарихъым хэхьагъ. Ащ фэгъэхьыгъэ литературнэ произведениехэр бэу щыIэх, ау нахьыбэмкIэ ахэр нахьыжъхэм апай. Мы тхылъыр кIэлэцIыкIухэм афытегъэпсыхьагъ, тари­хъыр сурэтхэмкIэ къыщыреIотыкIы, — къыIуагъ Адыгэ къэралыгъо университетым итхылъ тедзапIэ ипащэу Лъэустэн Фатимэ.