Адыгэ Республикэм щыпсэухэу лъытэныгъэ зыфэтшIыхэрэр!

Урысыем и Мафэ фэшI тышъуфэгушIо!
Тихэгъэгушхо лъэшэу щагъэлъэпIэрэ мы мэфэкIыр илъэс миным къехъу зикIыхьэгъэ тарихъ гъогу къэзыкIугъэ Урысыемрэ цIыф лъэпкъыбэмэ лIыхъужъныгъэу зэрахьагъэмрэ тызэрарыгушхорэм итамыгъэу щыт.
ЛIэшIэгъу пчъагъэмэ къакIоцI лIэужыбэмэ язэчыйи, акIуачIи тикъэралыгъо изэте­гъэпсыхьан фагъэIорышIагъ, ащ суверенитет иIэным, нахь пытэ хъуным яшъыпкъэу дэлэ­жьагъэх.
Урысыем инепэрэ инеущырэ зыфэдэщтхэмкIэ пшъэдэкIыжь зэрэтхьырэр икъоу къыдгурэIо. Тэ типшъэрылъыр къэралыгъом ифедэхэр къэдгъэгъунэнхэр, ащ нахьыбэу гъэхъагъэхэр ышIынхэм ткIуачIэ фэдгъэIорышIэныр ары.
Урысыем инепэрэ инеущырэ зыфэдэщтхэр, ащ уасэу дунаим къыщыфашIыщтыр тащыщ пэпчъ – хэушъхьафыкIыгъэ дзэ операциер зыщыкIорэ чIыпIэм тихэгъэгу ифедэхэр къыщызыухъумэхэрэми, къэралыгъом экономическэ, социальнэ хэхъоныгъэ езыгъэшIыхэрэми — елъытыгъ.
Адыгэ Республикэм щыпсэухэрэр гъэпсын Iоф­хэм яшъыпкъэу зэрапылъхэм, шIулъэгъуныгъэу Урысыем фытиIэм, тикъэралыгъо, ащ итарихъ, икультурэ къарыкIощтым тызэригъэгумэкIырэм тицыхьэ тырагъэлъы тихэгъэгу нахь фэшIыгъэ хъуным тапэкIи тыгу етыгъэу тызэрэфэлэжьэщтым.
ТичIыпIэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, Урысыем къы­фэфедэщт Iоф пстэуми гъэхъагъэхэр ащы­шъушIынэу тыгу къыддеIэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет —Хасэм и Тхьаматэу Владимир Нарожнэр