ХэушъхьафыкIыгъэ дзэ операцием хэлажьэхэрэм IэпыIэгъу афэхъугъэ­ным тегъэпсыхьэгъэ шIушIэ Iоф­тхьабзэу «Тызэгъусэмэ, тфызэшIо­кIыщт. Тызэгъусэу IэпыIэгъу тафэ­хъущт» зыфиIорэм икIэух Урысыем и Мафэ фэгъэхьыгъэ мэфэкI Iоф­тхьабзэхэр зыщызэхащэщтхэ мафэм — мэкъу­огъум и 12-м Мыекъуапэ щыкIощт.

Мы мафэм пчыхьэм сыхьатыр 6-м В. И. Лениным ыцIэкIэ щыт пчэгум искусствэхэмкIэ кIэлэцIыкIу еджапIэхэм ачIэсхэм, гуфакIохэм, социальнэ фэIо-фашIэхэр зыгъэцэкIэрэ гупчэхэм яIэпэщысэхэм якъэгъэлъэгъон къыщызэ­Iуахыщт. ЧIыпIэ зэфэшъхьафхэм хъэнымкIэ, автоматым изэхэхын-зэхэлъхьажьынкIэ мастер-классхэм щахэлэжьэнхэ, апэрэ медицинэ IэпыIэгъу зэрарагъэгъотырэ шIыкIэм нэIуасэ защафашIын алъэкIыщт.
ХэушъхьафыкIыгъэ дзэ операцием хэлажьэхэрэм IэпыIэгъу афэхъу зышIоигъохэм куар кодыр къызфагъэфедэн алъэкIыщт. Джащ фэдэу цIыфхэм агу пыкIырэ ахъщэр зыщаугъоищт чIыпIэхэри агъэнэфэщтых.
ШIушIэ Iофтхьабзэм изэхэщакIохэр Адыгеим ибзылъфыгъэхэм я Союз, Хэгъэгум идзэкIолIхэм яунагъохэм АР-мкIэ я Комитет, АР-м игуфэкIо купмэ я Координационнэ гупч, пар­тиеу «Единэ Россием» и Адыгэ шъо­лъыр къутам ары.