Top.Mail.Ru

ТекIоныгъэр къыдихыгъ

Image description

ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэм» я 13-рэ турым къыдыхэлъытэгъэ ешIэгъоу иIагъэм текIоныгъэр къыщыдихыгъ. Тикомандэ зыIукIагъэр Хасавюрт къэзыгъэлъэгъорэ «Победэр» ары.

«Победа» — «Зэкъошныгъ» — 0:1 (0:0).
Къэлапчъэм Iэгуаор дэзы­дзагъэр: К. Антонец.
«Победэм» хэтыгъэх: А. Шиханматовыр (къэлэпчъэIут), А. Исмаиловыр, И. Джамалаловыр, М. Смирновыр, М. Азарен­кэр, А. Жига, М. Исаевыр (Ш. Иса­евыр), С. Капанжи (Р. Салимовыр), М. Магомедовыр (И. Вагабовыр), М. Абулашовыр, А. Авагумян.
Тренер шъхьаIэрА. Халимбековыр.
«Зэкъошныгъэм» щешIагъэх: М. Вертиевыр (къэлэпчъэIут), Х. Магомедбековыр, С. Черджиевыр, К. Юшко, М. Гаджимогомедовыр, К. Антонец, З. Коблыр (Э. Цанава), А. Малкандуевыр (Н. Сергеевыр), Е. Рагулькиныр, Г. Абдуллаевыр (Д. Антоненкэр), А. Делэкъор (Т. Мохбалиевыр).
Тренер шъхьаIэрС. Мирошниченкэр.
Мы ешIэгъумкIэ я 13-рэ турыр къызэIуахыгъ. Апэрэ таймым «Победэм» къэлапчъэм Iэгуаор дидзэнымкIэ амалхэр иIагъэх, ау ар къыдэхъугъэп, мы уахътэм тикъэлэпчъэIутэу Максим Вертиевыр цыхьэшIэгъоу ешIагъ. Я 43-рэ такъикъым «Зэкъошныгъэм» пчъагъэр къэзэIуихын ылъэкIыщтыгъ, ау Алихан Малкандуевым къэлапчъэм Iэгуаор дидзагъэп. Я 76-рэ такъикъым нэс командэхэм пчъагъэр къызэIуахыгъэп — 0:0. Мыщ дэжьым зэрифэшъуашэу зыкъыгъэлъэгъуагъ тикомандэ хэт Константин Антонец. Ар ухъумакIохэм апхырыкIи, метрэ 16 фэдизкIэ пэчыжьэу къэлапчъэм дэуагъ ыкIи дидзагъ. ЗэIукIэгъур 1:0-у аухыгъ.
Футболистхэм ешIэ­кIэ дэгъу къагъэлъэгъуагъ, псынкIэу гупшысэщты­гъэх. Непэ тызIукIагъэр командэ дэгъу щешIэхэ­рэм ухьазырыныгъэшIу къагъэлъагъо, анахьэу ыпэкIэ щыIэхэм. Арышъ, тефэу «Зэкъошныгъэм» текIоныгъэр къыдихыгъ, къыIуагъ «Победэм» итренер шъхьаIэу Арслан Халимбековым.
Я 13-рэ турым щызэIукIэщтых: «Спартак-Налщык» — «Рос­тов-2», «Кубань Холдинг» — «Нарт», «Ангушт» — «Астрахань», «Шъачэ-2» — «Динамо Ставрополь», «Легион» — «Рубин Ялта», «Севастополь» — «Динамо-2».
«Зэкъошныгъэр» я 10-рэ чIыпIэм щыт. Зичэзыу ешIэгъур мэкъуогъум и 14-м Мыекъуапэ щыриIэщт, командэу «Кубань Холдингыр» тихьакIэщт.
Командэхэр зыдэщыт чIыпIэхэр ыкIи очко пчъагъэу ра­гъэкъугъэр:

  1. «Динамо Ставрополь» — 24.
  2. «Ростов-2» — 24.
  3. «Кубань Холдинг» — 23.
  4. «Победа» — 22.
  5. «Рубин Ялта» — 20.
  6. «Шъачэ-2» — 19.
  7. «Легион» — 18.
  8. «Севастополь» — 17.
  9. «Нарт» — 16.
  10. «Зэкъошныгъ» — 16.
  11. «Астрахань» — 14.
  12. «Спартак-Налщык» — 9.
  13. «Ангушт» — 7.
  14. «Динамо-2» — 2.