ШахматхэмкIэ зэнэкъокъухэр мэфиблым къыкIоцI Мыекъуапэ щыкIуагъэх, апэрэ чIыпIэр къыдэзыхыгъэри къэнэфагъ.

Адыгеим ыкIи республикэм икъэлэ шъхьаIэ гъогогъу пчъа­гъэрэ ячемпионэу Николай Удовиченкэр турнирым хэлэжьагъ. Ау анахь лъэш хъу­щтыр зэлъытыгъагъэр шахматист ныбжьыкIэу Ярослав Метальниковыр ары. Я 7-рэ турым къыдыхэлъытагъэу ар Арслан Рамазановым IукIагъ, ау текIуагъэп, ащ къыхэкIыкIэ апэрэ чIыпIэр IэкIэкIыгъ. Николай Удовиченкэм — очкоуи 6, Ярослав Метальниковым — очкоуи 5,5-рэ, Арслан Рамазановым — очкоуи 5 рагъэкъугъ. Бзылъ­фыгъэхэм язэнэкъокъу щате­кIуагъ Амалия Григорян, ятIо­нэрэ чIыпIэр Эллионора Суховам къыдихыгъ, Арина Жуковар ящэнэрэ хъугъэ.
Чемпионатыр швейцарскэ шIыкIэм тетэу рекIокIыгъ.