Республикэ зэнэ­къокъоу «Илъэсым иврач анахь дэгъу» зыфиIорэр Адыгеим щэкIо. Мыщ имурадыр врач сэнэхьатым имэхьанэ обществэм зыкъыщегъэIэты­гъэныр, шъолъырым имедицинэ ­организациехэм яврач анахь дэгъу­хэр къыхэгъэщы­гъэнхэр ары.

Зэнэкъокъур лъэныкъо зэфэшъхьафхэмкIэ зэ­теутыгъ: терапиер, педиатриер, хирургиер, диаг­ностикэр, акушерствэр ыкIи гинекологиер, анес­тезиологие-реаниматологиер.
ЯтIонэрэ едзыгъор ­мэкъэтын шIыкIэм тетэу ре­кIокIыгъ. ОсэшI комиссием анахь къахэщыгъэ врачхэр къыгъэнэфагъэх.
Анестезиологие-реаниматологиемкIэ:
Ольга Соленых — Мые­къопэ къэлэ сымэ­джэщым сабый къэхъу­гъакIэхэм зыщяIэзэхэрэ реанимацием иврач анестезиолог-реаниматолог.
Медицинэ IэпыIэгъу псынкIэр:
Бар Асиет — медицинэ IэпыIэгъу псынкIэм ыкIи медицинэ катастрофэ­хэмкIэ Адыгэ респуб­ликэ гупчэм ибригадэ иврач.
Терапиер ыкIи педиат­риер:
Екатерина Гурскаяр — Адыгэ республикэ клиническэ психоневроло­ги­ческэ диспансерым иотделение ипащ, врач-психотерапевт.
Хирургиер:
Даур Мурат — Адыгэ республикэ клиническэ сымэджэщым урологи­емкIэ иотделение ипащ, врач-уролог.
Диагностикэр:
ЛэупэкIэ ФатIимэт — республикэ сымэджэщым диагностикэмкIэ иот­де­ление ипащ.
Педиатриер:
Разиет Соломатинар — Джэджэ гупчэ район сымэджэщым икIэлэцIыкIу педиатрическэ отделение иучастковэ врач-педиатр.
Джащ фэдэу зэнэкъо­къум хэлэжьэрэ врачэу цIыфхэм нахь агу рихьыгъэм пэIудзыгъэ шIыкIэм тетэу амакъэ фатынэу амал щыIагъ. ЦIыфхэм къы­ха­хыгъэ врачым рес­публикэ комиссием зы мэкъэ те­дзэ ритыгъ. А едзыгъом апэ ишъыгъэр Бар Асиет.
Зэнэкъокъум хэлэжьагъэхэр мэфэкI шIыкIэм тетэу Адыгэ Республикэм и Къэралыгъо филармо-
ние щагъэшIощтых. Анахь баллыбэ изгъэкъурэм текIоныгъэр къыдихыщт ыкIи «Илъэсым иврач анахь дэгъу» зыфиIорэ цIэр фагъэшъошэщт, диплом, ахъщэ шIухьафтын ыкIи зэлъашIэрэ ювели-
рэу Еутых Асе ышIыгъэ статуэткэр ратыщтых. Ме­дицинэ IофышIэм и Мафэу мэкъуогъум хагъэу­нэфыкIыщтым ащ ыцIэ къыщыраIощт.
Анахь дэгъоу алъытэщтым ахъщэ шIухьафтынэу сомэ мин 250-рэ къе­жэ. ЯтIонэрэм — сомэ мини 150-рэ ыкIи ящэнэ­рэм — сомэ мини 100.
Адыгеим и ЛIышъхьэ къызэрэхигъэщыгъэмкIэ, республикэ зэнэкъокъоу «Участковэ врач-тера-
певт анахь дэгъу» зыфиIорэм хагъэунэфыкIырэ чIыпIэ­хэр щызыубы­тыщтхэм мыщ фэдэ шап­хъэм тетэу къа­лэжьы­гъэхэр аратыщтых.