Адыгэ Республикэм кощын IофхэмкIэ и ГъэIорышIапIэ макъэ къегъэIу IэкIыб къэралыгъохэм яцIыфхэр Урысыем исынхэ зэрэфит пIалъэм зэрэхагъахъорэмкIэ. Сыд фэдэ ушъхьэгъуа ащ иIэхэр?

IэкIыб къэралыгъом къикIи визэ иIэу пIэлъэ гъэнэфагъэкIэ тихэгъэгу къэкIогъэ цIыфыр зэрисын фит уахътэр къэзыгъэнафэрэр къыратыгъэ визэм пIалъэу иIэр ары. Визэ имыщыкIагъэу Урысыем къихьэрэр илъэсым къыкIоцI зэхэубытагъэу чэщ-мэфэ 90-рэ нахьыбэ исынэу щытэп. Ащ фэдэ шIыкIэм тетэу тихэгъэгу къи­хьагъэм зэрисын фит пIалъэр фылъагъэкIуатэ мыщ фэдэ лъэхъаным:
— пIэлъэ гъэнэфагъэкIэ тихэгъэгу щыпсэуным иIизын, «вид на жительство» къыратыным зыщыкIэлъэIурэ тхылъкIэ IэкIыб къэралыгъом щыщым зазыфи­гъазэкIэ (пIэлъэ гъэнэфагъэкIэ тихэгъэгу щыIэным иIизын къыратыным пае лъэIу тхылъэу аIэ­кIигъэхьагъэм ихэплъэн уахътэу пэIухьагъэр зэрэщыIэн фит пIа­лъэм фыхагъэхъожьы);
— IэкIыб къэралыгъом щыщым иIофшIэнкIэ къышъхьапэщт патентыр къызаIихыкIэ (патент къыратыным (ипIалъэ лъигъэкIотэным) пае аванс заритыкIэ, пIалъэу зэрэщыIэн фитыр лъэкIуатэ);
— Евразийскэ экономическэ союзым хэхьэрэ къэралыгъом игражданин IофшIэн зэзэгъыныгъэ е граждан-правовой зэзэгъыныгъэ задишIыкIэ (Евразийскэ экономическэ союзым хэхьэрэ къэралыгъом щыщ IофышIэм Урысыем хэгъэгу кIоцI IофхэмкIэ и Минис­терствэ ифедеральнэ къэралыгъо унитар предприятиеу «ПВС-м» е ышхьэкIэ хэгъэгу кIоцI IофхэмкIэ къулыкъухэм зафигъэзэн фае IофшIэн зэзэгъыныгъэр е граждан-правовой зэзэгъыныгъэр адишIы (лъигъэкIуатэ) къэс тихэгъэгу зэрэщыIэщтымкIэ пIалъэм фыхагъэхъоным ехьылIэгъэ лъэIу тхылъыр ыIыгъэу);
— IэкIыб къэралыгъом щыщыр гъэсэныгъэ языгъэгъотырэ, научнэ организациеу Урысыем итым щеджэ зыхъукIэ (IэкIыб къэралыгъом щыщэу гъэсэныгъэ языгъэгъотырэ, научнэ организациеу Урысыем итым щеджэрэр тихэгъэгу зэрэщыIэн фитыр еджэныр къеухыфэ нэс ары. Мыщ къы­хеу­бытэ очнэу е очнэ-заочнэ шIыкIэм тетэу зэреджэхэрэр. ПIа­лъэр фагъэкIотэным кIэлъэIурэр гъэсэ­ныгъэ языгъэгъотырэ органи­зациер ары. Ащ пае Урысыем хэ­гъэгу кIоцI IофхэмкIэ и Минис­терствэ ифедеральнэ къэралыгъо унитарнэ предприятиеу «ПВС-м» е ашъхьэкIэ Урысыем хэгъэгу кIоцI IофхэмкIэ и Министерствэ ичIыпIэ къулыкъу зафагъэзэн алъэкIыщт. IэкIыб къэралыгъом щыщэу еджэныр къэзыухыгъэу зигъэсэныгъэ лъэгэпIакIэм нэзыгъэсы зышIоигъом нэмыкI еджапIэ чIэхьаным пае мэфэ 30-кIэ ипIалъэ лъаригъэгъэкIотэн ылъэ­кIыщт).