Урысые Федерацием IофшIэнымкIэ и ЛIыхъужъэу, Адыгэ Республикэм итхакIохэм я Союз иправление итхьаматэу, Адыгеим, Къэбэртэе-Бэлъкъарым, Къэрэщэе-Щэрджэсым янароднэ тхакIоу, Урысые Федерацием и Общественнэ палатэ хэтэу И. Ш. МэщбашIэм фэкIо

Лъытэныгъэ зыфэсшIырэ Исхьакъ Шумафэ ыкъор!

Уныбжь илъэс 95-рэ зэрэхъурэмкIэ сыгу къыздеIэу сыпфэгушIо!
ЩыIэныгъэ гъогу гъэшIэгъон къэзыкIугъэ тхэкIо цIэрыIоу, общественнэ IофышIэшхоу, хэгъэгупсэу ущыт. Хэку гупсэм, Хэгъэгум, цIыф лъэпкъыбэ зыхэхьэрэ народым узэрафэшъыпкъэн фаемкIэ щысэтехыпIэу утиI.
Литературнэ тхыгъэу уиIэхэм, адыгэхэм якультурэ, ятарихъ бай къэухъумэгъэнымкIэ Iофышхоу зэшIопхы­гъэхэм яфэмэ-бжьымэ ин къытехьагъ лIэуж пчъагъэ­мэ ядунэееп­лъыкIэ зыпкъ иуцоным. Уироманхэм ахэт геройхэр ягушъхьэлэжьыгъэ зэрэбаимкIэ, цIыфыгъэшхо зэрахэлъымкIэ щысэтехыпIэ мэхъух, ышъхьэ Iэтыгъэу, зафэу псэу зышIоигъо нэбгырэ пэпчъ цIыфыгъэ шэпхъэ лъагэхэм арыгъозэным фапIу.
Уизэчый сыдигъуи гушхоныгъэ къытхелъхьэ, ти­чIыгу, тыкъэзыуцухьэрэ цIыфхэр шIу тлъэгъунхэу тегъа­сэ, сыд фэдэрэ чIыпIи хэкIыпIэ къыфэдгъотынымкIэ ишIуагъэ къытэкIы.
Лъытэныгъэ зыфэсшIырэ Исхьакъ Шумафэ ыкъор, Адыгеим, тихэгъэгу якультурэрэ ягушъхьэлэжьыгъэ кIэнрэ хэхъоныгъэшхо афэзышIыгъэ тхыгъэ хьалэмэт­хэр уикъэлэмыпэ къызэрэпыкIыгъэхэм пае лъэшэу сызэрэпфэразэр къэсэIо.
Псауныгъэ пытэ, щыIэкIэ-псэукIэ дэгъу уиIэнэу, уигъашIэ кIыхьэ хъунэу, уиакъылэгъухэм яIэпыIэгъу, уигупсэхэмрэ угукIэ къыппэблагъэхэмрэ яшIулъэгъу уащымыкIэнэу, творческэ гъэхъэгъакIэхэр пшIынэу, Адыгеимрэ Урысыемрэ яхэхъоныгъэ фэIорышIэщт гухэлъышIоу уиIэхэр зэкIэ къыбдэхъунхэу сыгу къыз­деIэу сыпфэлъаIо!
Адыгэ Республикэм и ЛIышъхьэу
КъумпIыл Мурат