ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэм» я 11-рэ турым къыдыхэлъытэгъэ ешIэгъоу иIагъэм текIоныгъэр къыщыдихыным пэблэгъагъ.

Мыекъуапэ ихьэкIагъ пэрытныгъэ зыIыгъ командэхэм ащыщэу «Динамо Ставрополь».
«Зэкъошныгъ» — «Динамо Ставрополь» — 2:2 (1:1).
Къэлапчъэм Iэгуаор дэзыдза­гъэхэр: А. Малкандуевыр — 1:0, В. Рымарь — 1:1, Н. Сергеевыр — 2:1, И. Абдуллаевыр — 2:2.
«Зэкъошныгъэм» щешIагъэх: М. Вертиевыр (къэлэпчъэ­Iут), С. Черджиевыр, Х. Магомед­бековыр, М. Гаджимогомедовыр, Т. Мохбалиевыр (К. Антонец), К. Юшко, А. Малкандуевыр (Э. Цанава), Н. Сергеевыр (Г. Абдуллаевыр), Д. Антоненкэр, Е. Рагулькиныр, А. Делэкъор (З. Коблыр).
Тренер шъхьаIэр — С. Мирошниченкэр.
«Динамо Ставрополь» хэтыгъэх: В. Гуськовыр (къэлэпчъэ­Iут), И. Абдуллаевыр, М. Ягъяевыр, В. Рымарь, И. Муслуевыр, И. Пековыр (И. Касьяновыр), В. Чуперка (А. Василенкэр),
А. Зароченцевыр (Р. Ченчиковыр), А. Степанович (М. Магоме­довыр), Б. Ахъядовыр, М. Аб­дулхамидовыр.
Тренер шъхьаIэр — А. ШакIор.
Ябгъонэрэ чIыпIэм щыт командэмрэ ятIонэрэр зыIыгъымрэ Мыекъуапэ щызэIукIагъэх. Тирес­публикэ ифутболистхэм джырэ уахътэм ешIэкIэ дэгъу къагъэ­лъагъо, ар бэхэм къыхагъэщы. ГумэкIыгъо закъоу щытыр зэIу­кIэгъухэм якIэух. Мы ешIэгъур яплIэнэрэ хъугъэ аужырэ та­къикъ­хэм тикомандэ икъэлапчъэ Iэгуаор къызыдадзагъэр ыкIи очкохэр зыщичIинагъэр.
Я 10-рэ такъикъым «Зэкъошныгъэм» пчъагъэр къызэIуихыгъ, къэлапчъэм Iэгуаор дэзыдзагъэр Алихан Малкандуевыр ары. Я 33-рэ такъикъым хьакIэхэм пчъа­гъэр зэфэдиз ашIыгъ, къахэщыгъэр Владислав Рымарь. Апэрэ таймыр 1:1-у аухыгъ.
ЯтIонэрэм тифутболистхэм яешIакIэ джыри нахь рагъэхъугъ, бэрэ ыпэкIэ илъыхэу рагъэжьагъ. Ащ ишIуагъэкIэ я 59-рэ такъикъым Никита Сергеевым къэлап­чъэм Iэгуаор дидзагъ, пчъагъэр — 2:1. Ащ ыуж тикомандэ пчъа­гъэм хигъэхъонымкIэ амалышIу­хэр иIагъэх. Мы уахътэм цыхьэшIэгъоу ешIагъ тикъэлэпчъэIутэу Максим Вертиевыр. Такъикъ 90-м къыкIоцI хьакIэхэм тикъэлапчъэ Iэгуаор къыдадзэшъугъэп, ау охъ­тэ шъхьаIэм хагъэхъогъэ такъикъи 4-м ар къадэхъугъ, пчъагъэр 2:2-у зэIукIэгъур аухыгъ.
— ТызыIукIэщт командэм иешIакIэ дэгъоу зэхэтфыгъ. Къэлапчъэм Iэгуаор дэтыдзэнэу амы­лыбэ тиIагъ, тиешIакIэкIи
нахь тылъэшыгъ. Аужырэ та­къикъхэм тикъэлапчъэ Iэгуаор къызэрэда­дзэрэм сшIэрэп есшIэщтыр, — къыIуагъ зэфэхьысыжьхэр къы­­­шIызэ «Зэкъошныгъэм» итре­нер шъхьаIэу Сергей Мирошниченкэм.
Я 11-рэ турым изэфэхьысыжьхэр:
«Спартак-Налщык» — «Астрахань» — 0:2, «Победа» — «Кубань Холдинг» — 1:0, «Нарт» — «Динамо-2» — 3:0, «Зэкъошныгъ» — «Динамо Ставрополь» — 2:2, «Севастополь» — «Рос­тов-2» — 2:2, «Шъачэ-2» — «Рубин Ялта» — 0:1, «Легион» — «Ангушт» — 1:0.
ЯплIэнэрэ чIыпIэм щытыгъэ «Победэр» апэрэм къэкIуагъ. «Кубань Холдингыр» ятIонэр, «Динамо Ставрополь» ыкIи ­«Ростов-2» ахэм къакIэлъэкIох. «Зэкъошныгъэр» я 10-р. Зичэзыу ешIэгъур жъоныгъуакIэм и 31-м Махачкала щыриIэщт, командэу «Динамо-2-м» дешIэщт.
Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «Победа» — 22.
2. «Кубань Холдинг» — 22.
3. «Динамо Ставрополь» — 21.
4. «Ростов-2» — 21.
5. «Шъачэ-2» — 19.
6. «Легион» — 18.
7. «Рубин Ялта» — 17.
8. «Севастополь» — 17.
9. «Нарт» — 13.
10. «Зэкъошныгъ» — 11.
11. «Астрахань» — 11.
12. «Спартак-Налщык» — 9.
13. «Ангушт» — 6.
14. «Динамо-2» — 1.