Адыгэ Республикэм щыпсэухэу
лъытэныгъэ зыфэтшIыхэрэр!
ТичIыпIэгъу лъапIэхэр!

Славян тхыбзэмрэ культурэмрэ я Мафэ фэшI тышъуфэгушIо!
Славян лъэпкъхэм ятарихъи, якультури зэу зэрэщытыр ащ тыгу къегъэкIыжьы, тихэгъэгу итарихъ, икультурэ ыкIи игушъхьэлэжь баиныгъэ къэтыухъумэн зэрэфаем тынаIэ нахь тырытегъадзэ.
ШIэныгъэгъуазэхэу Кириллрэ Мефодийрэ лъапсэ зыфашIыгъэ славян тхыбзэр лIэшIэгъу пчъагъэ хъугъэу шIумрэ зэфагъэмрэ афэлажьэ, цIыфыгъэ шэпхъэ дахэхэм афэIорышIэ.
Тэ типшъэрылъыр а баиныгъэшхоу лIэшIэгъу пчъагъэхэм къакIоцI зэгъэуIугъэ хъугъэр къэтыухъумэныр, Урысыем щыпсэурэ цIыф лъэпкъ­хэм зэгурыIоныгъэ азыфагу илъыным тыфэлэжьэныр ары.
ТичIыпIэгъу лъапIэхэр, зэкIэми тышъуфэлъаIо псауныгъэ пытэрэ щыIэкIэшIурэ шъуиIэнэу, ти Хэгъэгушхо — Урысыем икультурнэ кIэн бай ныбжьыкIэхэр хэщэгъэнхэм шъуиIахь хэшъушIыхьанэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр