Федеральнэ хьакъулахь къулыкъум игъэ­IорышIапIэу АР-м щыIэм автомобилэу «Форд Транзит» зыфиIо­рэр хэушъхьафыкIыгъэ дзэ опера­цием хэлэжьэрэ дзэкIолIхэм аIэкIагъэхьанэу Народнэ фронтым ритыгъ.

Мы мэфэ благъэхэм Херсон ыкIи Запорожскэ лъэныкъохэм радиационнэ, химическэ ыкIи биологическэ ухъумэнымкIэ дзэ пшъэрылъхэр щызыгъэцэкIэрэ полкым IэкIагъэхьащт.
Автомобилым ишIуа­гъэкIэ дзэ къулыкъушIэхэм япшъэрылъхэр шIуагъэ къытэу агъэцэкIэщтых.
«ТиухъумакIохэм та­къотыныр типшъэрылъ шъхьаIэхэм ащыщ. Дзэ­кIолIхэм япшъэрылъхэр зэрифэшъуашэу агъэцэ­кIэнхэмкIэ ыкIи текIоныгъэ къыдахыгъэу къагъэзэжьынымкIэ мы автомобилыр IэпыIэгъушхо зэрафэхъущтым тицыхьэ телъ, — къаIуагъ Федеральнэ хьа­­къулахь къулыкъум игъэ­IорышIапIэу АР-м щыIэм иIофышIэхэм.