Адыгэ республикэм идзэ комиссариат илIыкIохэр мы мафэ­хэм Адыгэ къэралыгъо университетым и Мыекъопэ къэралыгъо гуманитар-техническэ колледж истудентхэм аIукIагъэх.

Гурыт сэнэхьат зэзыгъэгъотырэ студентхэр дзэ къулыкъум нахь игъэкIотыгъэу нэIуасэ фэхъунхэм, пшъэрылъэу ыкIи фитыныгъэу яIэхэр зэрагъэшIэнхэм Iофтхьабзэр фэгъэхьыгъагъ.
Мыекъуапэ идзэ комиссар ипшъэрылъхэр зыгъэцэкIэрэ Сергей Пасиковыр ыкIи Адыгэ Республикэм идзэ комис­сариат цIыфхэм Iоф адэшIэгъэнымкIэ иотделение ипащэу Игорь Козел студентхэм гущыIэгъу афэхъугъэх. Дзэм къулыкъу щыпхьынымкIэ зигъо Iофы­гъохэм атегущыIагъэх, граждан къулыкъум епхыгъэ упчIэхэр, дзэ егъэджэн гупчэхэм уащеджэным шIуагъэу пы-
лъыр, зэзэгъыныгъэкIэ дзэм къулыкъу щыпхьыным амалышIоу къытыхэрэр
ыкIи нэмыкIыбэмэ атегущыIагъэх. Дзэм къулыкъу щызыхьыхэрэр социальнэу къэухъу­мэгъэнхэм пае ашIэрэм джащ фэдэу къытегущыIагъэх.
Студент нэбгырэ 200 фэдизмэ дзэ къулыкъум епхыгъэу яшIэныгъэхэм ахагъэхъуагъ ыкIи яхэгъэгу къаухъумэн зэрэфаер зэхашIагъ.
ДЕЛЭКЪО Анет.