Адэбз узхэм зыщяIа­зэ­хэрэ Адыгэ республикэ клиническэ сымэджэщэу М. Хъ. Iэшъхьэмафэм ыцIэ зыхьырэм гъэцэкIэжьын Iоф­шIэнхэр зэрэщырагъэ­жьагъэхэм къыхэкIэу, ащ иотделениехэм ащыщхэр Кощхьэблэ район сымэджэщым агъэкощыгъэх. Джы ащ сымаджэхэм щяплъыщтых, щяIэзэщтых.

Ары ушъхьагъу шъхьаIэ фэхъугъэр Мыекъуапэ икIэу Кощхьаблэ кIорэ автобус рейс кIэу къызэ­Iуахыным. Ар къуаджэм кIуагъэми, къыгъэзэжьыгъэми район сымэджэщым Iухьащт.
Автобусыр мафэ къэс пчэдыжьым сыхьатыр 7:20-м ыкIи щэджэгъоужым сыхьатыр 3-м Мые­къуапэ иавтостанциеу къэлэ гупчэ бэдзэршIыпIэм дэжь щытым IукIыщт, сыхьатыр 12-м ыкIи 5-м Кощхьаблэ къыдэкIы­жьыщт. Сыхьатрэ такъикъ 30-рэ гъогум тетыщт, ста­ни­цэхэу Сергиевскэр, Дон­дуковскэр зэпичыщтых.
— Кощхьэблэ район сымэджэщым нахь екIо­лIэ­гъошIу цIыфхэм къафэ­хъуным фэшI мы марш­ру­тыр къызэIутхыгъ, — къы­щаIуагъ АР-м псэо­лъэ­шIынымкIэ, транспортым­кIэ, псэупIэ-коммуналь-
нэ ыкIи гъогу хъыз­мэ­тымкIэ и Министерст­вэ.