Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!

Адыгэ Республикэм ис унагъохэм я Мафэ фэшI тышъуфэгушIо!
Нэбгырэ пэпчъ ищыIэныгъэ унагъом чIыпIэшхо щеубыты. ЦIыфым иакъыл уцунымкIэ, культурэ ыкIи обществэ гъэнэфагъэм епхыгъэу зэрэщытыр икъоу зэхишIэнымкIэ ар амалэу щыIэхэм зыкIэ ащыщ. Унэгъо шэн-хабзэхэр зыфэдэхэм елъытыгъэу кIэлэцIыкIухэм ящыIэныгъэ гъогуи зиушъомбгъущт.
Унагъор обществэм ылъэпсэ пытэу зэрэщытым къыпкъырэкIы Адыгэ Респуб­ликэми ипшъэрылъ шъхьаIэхэм зыкIэ ар зэращыщыр. Унагъохэм ящыIакIэ нахьышIу шIыгъэнымкIэ, сабыйхэр нахьыбэу къэхъунхэмкIэ Iофтхьэбзабэ респуб­ликэм щызэшIуахы.
Адыгеим щыпсэухэу сабыибэ зыпIухэрэм тызэрафэразэр мы мафэм тигуапэу къыхэтэгъэщы. Къинэу ахэм атыралъагъорэм кIэгушIужьынхэу, арыгушхонхэу амал яIэнэу тафэлъаIо.
Адыгеим ис унэгъо пстэуми псауныгъэ пытэ, щыIэкIэшIу яIэнэу, зэгурыIоныгъэ арылъынэу, республикэми, хэгъэгуми яфедэ зыхэлъ Iофэу агъэцакIэрэм гъэхъагъэхэр ащашIынхэу афэтэIо!
Адыгэ Республикэм и ЛIышъхьэу, Урысые политическэ
партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр