Хэгъэгу зэошхом ТекIоныгъэр къызщыдахыгъэр илъэс 80 зэрэхъугъэм фэгъэхьыгъэ проектхэр Адыгеим щылъагъэкIуатэх. Ахэм ахахьэу Мыекъуапэ итранспорт уцупIэхэм узыпхырыплъырэ дэпкъэу атетхэм тичIыпIэгъухэу Советскэ Союзым и ЛIыхъужъ хъугъэхэм ясурэтхэр къащагъэлъагъох.

Тятэжъхэм лIыгъэу зэрахьагъэр агу къэгъэкIыжьыгъэным ыкIи тарихъым ишIэжь къэухъумэгъэным фэIорышIэхэзэ проектэу «Лица Победы» зыфиIорэр Мыекъопэ къэлэ администрациемрэ искусствэхэмкIэ республикэ кIэлэцIыкIу еджапIэу N 1-м индустриемкIэ иеджапIэ икIэлэеджакIохэмрэ зэгъусэхэу рагъэкIокIы.
Шъугу къэдгъэкIыжьын, Хэгъэгу зэошхом илъэхъан Адыгеим икIыхи нэбгырэ мин 80 фэдиз заом кIуагъэх. Нэбгырэ миным ехъум фронтым Iоф щашIагъ. ТичIыпIэгъу 52-р Советскэ Союзым и ЛIыхъужъ, 13-р – Щытхъум и Орден икавалер хъугъэх. Хэгъэгу зэошхом ихъугъэ-шIэгъэ шъхьаIэхэм ахэхьагъ Советскэ Союзым и ЛIыхъужъэу Андрыхъое Хъусенэ ихэгъэгу къыухъумэзэ лIыблэнагъэу зэрихьагъэр.
Сурэтыр: Iэшъынэ Аслъан.