Хэгъэгу зэошхом хэлэжьагъэу, апэрэ адыгэ летчицэу Бэгъужъэкъо Лелэ ишIэжь фэгъэхьыгъэ зэнэкъокъу волейболымкIэ Адыгэ къэралыгъо университетым щыкIуагъ. Мыщ бзылъфыгъэ командэхэр ары хэлэжьагъэхэр.

Зэфэхьысыжьхэм къызэрагъэлъэгъуагъэмкIэ текIоныгъэр къыдихыгъ АКъУ-м и Мыекъопэ къэралыгъо гуманитар-техническэ колледж икомандэ, ятIонэрэ чIыпIэр «АГУ-м», ящэнэрэр «АПК-м» афагъэшъо­шагъ.
Командэхэм яешIэкIо анахь дэгъухэм хэушъхьафыкIыгъэ шIухьафтынхэр аратыгъэх.