Урысые Федерацием и Следственнэ комитет Адыгэ РеспубликэмкIэ ислед­ственнэ гъэIорышIапIэ иотде­лэу мэ­хьа­нэшхо зиIэ Iофхэр зэхэзы­фырэм иследовательхэм Тэхъутэмыкъое рай­оным иадминистрацие архитек­турэмкIэ ыкIи къэлэгъэпсынымкIэ иот­дел ипащэ уголовнэ Iоф къыфы­зэIуахыгъ.

Урысыем и Уголовнэ кодекс ия 290-рэ статья ия 2-рэ Iахь, ия 5-рэ Iахь ипунктэу «в-м» зигугъу къашIы­рэ бзэджэшIагъэ зэрихьагъэкIэ (пэщэ IэнатIэр къызфигъэфедэзэ, къолъхьэшхо ыштагъэкIэ) ар агъэмысэ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэрэ Адыгеим хэгъэгу кIоцI IофхэмкIэ и Министерствэ экономикэ щынэгъончъагъэмкIэ ыкIи къолъхьэ тын-­Iыхыным пэуцужьыгъэнымкIэ и ГъэIорышIапIэрэ яIофышIэхэм оперативнэ-лъыхъон Iофтхьабзэу зэрахьагъэхэм яматериалхэмкIэ уголовнэ Iофыр къызэ­Iуа­хыгъ.
Нафэ къызэрэхъугъэмкIэ, отделым ипащэ сомэ мини 100 хъурэ къуалъхьэ аIихыгъагъ шапхъэу щыIэхэм ашъхьэдэкIэу ихапIэ унэ щишIынэу Iизын къыратынымкIэ ишIуагъэ хъулъфыгъэ горэм зэрэригъэкIыгъэм пае. Ащ нэмыкIэу 2024-рэ илъэсым чъэпыогъум и 30-м а пэщэ дэдэм чIыгу Iахьыр зыдэщыIэмкIэ схемэр кадастрэ планым зэрэригъэхьагъэм, Тэхъутэмыкъое районым ичъыгхэтэлэжьыпIэхэм ахэхьэрэ чIыгу Iахьыр къафыпаупкIынэу зэзэгъыныгъэ зэрадишIыгъэм апае сомэ мин 200 къуалъхьэу къыратыгъ.
IэнатIэ зыIыгъхэу мы бзэджэшIагъэм хэщэгъэн ылъэкIыщтхэм ягъэунэфынкIэ следственнэ Iофтхьа­бзэхэр следовательхэмрэ криминалистхэмрэ зэрахьэх. Уголовнэ Iофым изэхэфын джыри аухыгъэп.

Урысыем щынэгъончъэнымкIэ
и Федеральнэ къулыкъу Адыгэ РеспубликэмкIэ
и ГъэIорышIапIэ ипресс-къулыкъу