Егъэзыгъэныгъэ хэлъэу хэбзэ къулыкъушIэр ыгъэщынэн гухэлъ зэриIагъэм фэшI Урысыем и Следственнэ комитет иследственнэ гъэIорышIапIэу АР-м щыIэм Мыекъуапэ щыпсэурэ хъулъфыгъэм ылъэныкъокIэ уголовнэ Iоф къызэIуихыгъ.
ЗэрагъэунэфыгъэмкIэ, 2025-рэ илъэсым гъэтхапэм и 19-м мафэм Адыгэ Республикэм и Къэралыгъо автоинспекцие игъогу-патруль къулыкъушIэхэм хъулъфыгъэр къафэмыуцоу кIитхъуи, зигъэбылъыжьын мурад иIэу къаубытыгъ. Водителым административнэ протокол фызэхагъэуцо зэхъум хэбзэухъу­макIохэм дысэу, ыгъэщынэнхэ ыIозэ адэгущыIагъ.
Мы уахътэм ехъулIэу хъулъфыгъэр къаубытыгъ, хабзэр зыукъуагъэхэр охътэ гъэнэфагъэкIэ зычIэсхэ чIыпIэм ар щаIыгъ.
Мыщ бзэджэшIагъэу зэрихьагъэм игъэунэфын фытегъэпсыхьэгъэ Iофтхьабзэхэр следовательхэмрэ криминалистхэмрэ рагъэкIокIых.