Адыгэ Республикэм культурэмкIэ и Ми­нистерствэ иIофышIэхэм лъэшэу гухэкI ащы­хъугъ Шъхьэлэхъо Мэдин Юныс ыкъом идунай зэрихъожьыгъэр ыкIи ащ иунагъорэ иIахьылхэмрэ афэтхьаусыхэх.
Адыгэхэм якультурэ кIэн, яшэн-хабзэхэм, адыгабзэм якъэухъумэн ишъыпкъэу фэлэжьэгъэ цIыф сэнаущыр зэрэщымыIэжьыр лъэшэу агу къеуагъ. Агуй-Шапсыгъэ культурэмкIэ и Гупчэ пэщэныгъэ ащ дызэрихьэ зэхъум, ­лъэпкъ культурэмкIэ Iоф­тхьэбзабэ зэшIуихыщтыгъ, цIыфхэр игъэкIотыгъэу ахэм къахигъэлажьэщтыгъ, ялIэкъо лъапсэ нахь куоу ашIэным ныбжьыкIэхэр фигъэчэфыщтыгъэх.