Хэгъэгу зэошхом иветеранхэулъытэныгъэ зыфэсшIыхэрэр!
СичIыпIэгъу лъапIэхэр!
ТекIоныгъэшхом и МафэкIэ сышъуфэгушIо!
Советскэ цIыфхэр фашизмэм зытекIуагъэхэм ия 80-рэ илъэс мыгъэ хэтэгъэунэфыкIы. 1945-рэ илъэсым жъоныгъуакIэм и 9-м ыуж илъэсипшI пчъагъэ тешIагъэми, тятэхэу, тятэжъхэу, тятэжъ пIашъэхэу тишъхьафитыныгъэ къытфэзыухъумагъэхэм лIыхъужъныгъэу зэрахьагъэр егъашIи тыгу илъыщт.
ТекIоныгъэшхор къытфыдэзыхыгъэхэм ячIыфэшхо ттелъ. Уи Хэгъэгу шIу зэрэплъэгъун фаемкIэ ахэр ренэу тищысэтехыпIэщтых. Хэгъэгу зэошхом хэлэжьагъэхэм япсэемыблэжьыныгъэрэ яблэнагъэрэ Урысыем исхэм ащыгъупшэщтэп.
Непэ, Хэгъэгум ифедэхэр тидзэкIолIхэм къаухъумэн фаеу зыщыхъугъэ лъэхъаным, лIэужыкIэхэм хэбзэшIухэр зэрэлъагъэкIуатэрэм, тицIыфхэм лIыхъужъныгъэу зэрахьагъэм фэгъэхьыгъэ къэбархэу шъыпкъагъэр зылъапсэхэр зэпырамыгъэзэнхэм мэхьанэшхо зэриIэр бэкIэ нахь куоу зэхэтэшIэ. ТидзэкIолIхэм непи ар къаушыхьаты. Ятэжъхэмрэ ятэжъ пIашъэхэмрэ афэдэхэу хэушъхьафыкIыгъэ дзэ операциер зыщыкIорэ чIыпIэм ахэм япшъэрылъхэр гъэхъагъэ хэлъэу щагъэцакIэх, Урысыем ищынэгъончъагъэ къаухъумэ. Хэгъэгум иухъумакIохэм тарэгушхо, Хэгъэгу зэошхом хэкIодагъэхэр, тылым щылэжьагъэхэм, зэо ужым къэралыгъор зыпкъ изыгъэуцожьыгъэхэр тыгу къэтэгъэкIыжьых. Хэгъэгу зэошхом иветеранхэм, тылым щылэжьагъэхэм, зисабыигъо зэо лъэхъаным тефагъэхэм, концлагерьхэм адэсынэу хъугъэхэм лъхъанчэу шъхьащэ къышъуфэсэшIы!
Ветеранхэм псауныгъэ пытэ яIэнэу, ягъашIэ кIыхьэ хъунэу, хэушъхьафыкIыгъэ дзэ операцием хэлажьэхэрэм текIоныгъэр къыдахынышъ, шIэхэу ядэжь къагъэзэжьынэу, Адыгеим исхэм яунэгъо Iофхэр зэпыфэ зэпытынэу, тикъэралыгъошхо пае рахьыжьэрэ пстэуми гъэхъагъэхэр ащашIынэу сафэлъаIо! ТекIоныгъэм и Мафэ лIыхъужъныгъэм, зыкIыныгъэм, уи Хэгъэгу узэрэфэшъыпкъэн фаем ятамыгъэу ренэу щэрэт!
Урысые Федерацием исенаторэу
Александр Наролин