Адыгэ Республикэм щыпсэухэу
лъытэныгъэ зыфэтшIыхэрэр!
ТичIыпIэгъу лъапIэхэр!

Мэлылъфэгъум и 26-р тихэгъэгу итарихъ ­инэкIубгъо тхьамыкIагъохэм зыкIэ ащыщ хъугъэ.
Мы мафэм, 1986-рэ илъэсым, Чернобыль атомнэ электростанцием техногеннэ нэшанэ зиIэ тхьамыкIэгъошхоу къыщыхъугъэм зэрэдунаеу зэридзагъ.
Нэбгырэ минишъэ пчъагъэ ащ икIэуххэм ядэгъэзыжьын хэлэжьагъ, Адыгеим икIыгъэхэри ахэм ахэтыгъэх. Ахэр зэкIэ псэемыблэжьэу ащ хэлэжьагъэх ыкIи нэбгырэ миллион пчъагъэ къагъэнэжьыгъ.
Мы мафэм ащ хэкIодагъэхэм тафэшъыгъо, псаоу къыхэкIыжьыгъэхэм инэу тызэрафэразэр къэтэIо. Ащ фэдэ егъашIэми къэрэмыхъужь!
Ащ хэкIодагъэхэм егъэшIэрэ щытхъур адэжь!
Адыгэ Республикэм и ЛIышъхьэу,
Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет -— Хасэм и Тхьаматэу
Владимир Нарожнэр