Мэлылъфэгъум и 27-р — урысые парламентаризмэм и Маф
Урысые Федерацием исенаторхэу, хэбзэгъэуцу ыкIи лIыкIо къулыкъу пстэуми ядепутатхэу, яIофышIэхэу лъытэныгъэ зыфэтшIыхэрэр!
Урысые парламентаризмэм и Мафэ фэшI тышъуфэгушIо!
Тихэгъэгу лIэшIэгъубэ къызэлъызыубытырэ итарихъ анахь мэхьанэшхо зиIэ хъугъэ-шIагъэу къыхэхъухьагъэхэм ащыщ 1906-рэ илъэсым мэлылъфэгъум и 27-м Апэрэ Къэралыгъо Думэм иIофшIэн зэрэригъэжьэгъагъэр.
А демократическэ институтыр щыIэ зэрэхъугъэм ифэмэ-бжьымэшхо тырихьагъ политическэ гъэпсыкIэу хэгъэгум иIэм, хэгъэгу парламентаризмэр уцунымкIи ащ мэхьэнэ гъэнэфагъэ иIагъ.
Къэралыгъор щыIэнымкIи, хэбзэгъэуцугъэр, хэгъэгум илъэпкъ федэхэр къэухъумэгъэнхэмкIи, Урысые Федерациер щынэгъончъэнымкIи хэбзэгъэуцухэм мэхьанэшхо яI.
Социальнэ политикэр пхырыщыгъэнымкIэ, инновационнэ проектхэу цIыфхэм ящыIакIэ нахьышIу шIыгъэным епхыгъэхэр гъэцэкIагъэ хъунхэмкIэ шэпхъэ-хэбзэ лъапсэхэм бэ ялъытыгъэр.
Республикэм щыпсэухэрэм яIофыгъохэм зэрафэгумэкIыхэрэм, тишъолъыр ихэхъоныгъэ яIахь зэрэхашIыхьэрэм апае лъэшэу тафэраз Урысые Федерацием исенаторхэм, Къэралыгъо Думэм, Адыгэ Республикэм и Къэралыгъо Совет – Хасэм, муниципальнэ образованиехэм ялIыкIо къулыкъухэм ядепутатхэм.
Хэбзэихъухьан IофшIэным тапэкIи гъэхъагъэхэр щышъушIынхэу, псауныгъэ пытэ шъуиIэнэу, шIоу щыIэр зэкIэ къыжъудэхъунэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр