АР-м и Лъэпкъ тхылъеджапIэ шIэжь гъучI ахъщэхэм ясурэт къэгъэлъэгъон къыщызэ-Iуахыгъ. Ар Урысые Банкым и Къутамэу — Адыгэ РеспубликэмкIэ Лъэпкъ банкым къыгъэхьазырыгъ.

Экспозициеу «ТекIоныгъэм итарихъ» зыфиIорэр Хэгъэгу зэошхом ТекIоныгъэр къызщыдахыгъэр илъэс 80 зэрэхъу­рэм фэгъэхьыгъ. Тихэгъэгу иилъэс анахь ушэтыпIэ къинхэм яшIэжь ыкIи зэкIэ зэфэдэкIэ лъэпкъ-лIыхъужъныгъэм ищытхъу ащ щыгъэунэфыгъ, гъучI ахъщэ (монетэ) пэпчъ тарихъ лъэуж иI.
Урысыем щыпсэухэрэмкIэ Хэгъэгу зэошхом ТекIоныгъэр къызэрэщыдахыгъэр къытпэблэгъэ дэд, осэ ин хэткIи зиI. Унагъо пэпчъ блэкIыгъэ зэошхор утын фэхъугъ, Хэгъэгу зэошхом зицIыфышъхьэ хэмыкIодэгъэ нэбгырэ гори щыIэп. Тимамыр щыIакIэ дгъотыжьыным, шъхьафитэу, тынчэу тыпсэуным пае ахэр зэблэжьыгъэхэп. Заор заухыгъэр, ТекIоныгъэр къызыдахыгъэр илъэс 80 мэхъу, ау ащ хэтыпагъэхэри, ахэм ялIэужхэу непэ щыIэхэри, пытэу тызэпхыгъ.
Ащ къыхэкIэу, заом ишIэжь фэгъэ­хьыгъэ сурэт къэгъэлъэгъоныр хэткIи гъэшIэ­гъоныщт.
Мэхьанэ зиIэ тарихъ хъугъэ-шIагъэхэм япхыгъэ гъучI ахъщэхэр мэфэкIышхоу къэблагъэрэм, зэлъашIэрэ цIыфхэу шIушIэгъэ ин зиIэхэм афэгъэхьыгъэх. Мы гъучI ахъщэхэр художественнэ осэшхо зиIэх, IофшIэгъэ дэгъух.
Банкым исурэт къэгъэлъэгъон эк­спо­зицие Iахь пчъагъэу гощыгъэ. Апэ­рэ­хэр ахъщэ жъгъэйхэу ТекIоныгъэм имэфэкIхэм яхъулIэу къыдагъэкIыгъэхэр, гущыIэм пае, ТекIоныгъэм ия 60-рэ илъэс.
ШIэжь гъучI ахъщэу, ТекIоныгъэм ия 65-рэ илъэс фэгъэхьыгъэу къыдэкIыгъэр зэокIыбым щыIэгъэ бзылъфыгъэ-лэжьа­кIохэм афэгъэхьыгъагъ.
ТекIоныгъэм ия 55-рэ илъэс ипроект иавторхэм А. Твардовскэм зэлъашIэрэ илIыхъужъэу Василий Теркиным фэгъэ­хьыгъагъ.
Лъэшэу гъэшIэгъоных къэлэ-лIыхъужъхэр шъхьафит зашIыжьыгъэхэ мэфэкIхэм афэгъэхьыгъэ гъучI ахъщэхэр.
Сурэт къэгъэлъэгъоныр АР-м и Лъэпкъ тхылъеджапIэ мэлылъфэгъум ыкIэм нэс щызэIухыгъэщт, ащ шъурагъэблагъэ.