Джэджэ районым иата­манхэм бгъэхалъхьэу «За помощь фронту» зыфиIорэр аратыгъ.

Херсон хэкум шIушIэ IэпыIэгъу зыщащагъэм тефэу я 227-рэ артиллерийскэ бригадэм ыкIи РХБЗ-м ия 17-рэ полк якомандованиехэм ацIэкIэ Джэджэ район къэзэкъ обществэм иатаманхэу Виктор Гречкэрэ Владимир Гречкэрэ бгъэхалхьэу «За помощь фронту» зыфиIорэр къафагъэшъошагъ. ЗэуапIэм Iут дзэкъулыкъушIэхэм ящыкIэгъэ IэпыIэгъур арагъэгъотыным мыхэм яIахьышIу зэрэха­лъхьэрэм итамыгъэ ар хъугъэ.
Илъэсищым къыкIоцI зэпымыоу атаманхэм яшIуагъэ фронтым рагъэкIы, дзэкIолIхэм къафаугъоирэ шIушIэ IэпыIэгъур зэпэуцужьыр зыщыкIорэ чIыпIэхэм ащэ. Мыхэм язекIуакIэ патри­отизмэм, лIыгъэм ящысэу щыт, дзэм IэпыIэгъу фэ­хъунхэм Адыгеим ыкIи Краснодар краим ащыпсэухэрэр кIагъэгушIух.