БаскетболымкIэ Урысыем ичемпионат иапшъэ­рэ лигэ щешIэрэ командэхэу я 5 — 8-рэ чIыпIэхэм афэбанэхэрэм яешIэгъухэр къалэу Ессентуки щыкIуагъэх. Ахэм ахэтыгъ Мыекъопэ «Динамо-МГТУ-р».

Финал едзыгъом ипэублэ тикомандэ иIэгъэ зэIукIэгъуитIур шIуахьыгъ. Апэ «Деснар» 68:72-у, нэужым «ЦСП-Химки» 51:68-у къытекIуагъэх. Ау ащ ыуж Артем Гапошиным ыгъасэхэрэр Челябинскэ хэкум икомандэу «Металлург-Челбаскет» ибаскетболистхэм анахь лъэшыгъэх, пчъагъэр — 70:56. Мы мафэм ыпэкIэ «Металлург-Челбаскетыр» «Деснам» зэрэтекIуагъэм ишIуагъэкIэ Адыгеим икомандэ я 6-рэ хъугъэ. Апэрэ чIыпIэм фэбэнэщтых «Динамо» (Уфа) ыкIи «Неф­техимик» (Тобольск). Я 3-рэ хъу­гъэр къыщынэфэщт «Русичи» ыкIи «Чебоксарские ястребы» зыфиIорэ командэхэм язэIукIэгъу.
Я 5 — 8-рэ чIыпIэхэм афэбэнэгъэ командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «ЦСП-Химки» — 6.
2. «Динамо-МГТУ» — 4.
3. «Десна» — 4.
4. «Металлург — Челбаскет» — 4.