2024-рэ илъэсым игъэтхапэ и 22-м щэпIэ гупчэу «Крокус Сити Холлым» теракт къыщыхъугъ. Пчыхьэм сыхьатыр 8-м адэжь террористхэр гупчэм къекIолIагъэхэм яохэу рагъэжьагъ ыкIи концерт гъэлъэгъуапIэм кIагъэнагъ. МашIом унэр зэхигъэуагъ, нэбгыри 145-рэ хэкIодагъ, 551-мэ тыркъохэр атещагъэ хъугъэ.

Дунэе террорист организациеу "Исламское государство" зыфиIорэм  иафган къутамэу "Вилаят Хорасан" мы терактымкIэ пшъэдэкIыжьыр зытырилъхьажьыгъ. Урысыем хэгъэгу кIоцI IофхэмкIэ и Министерствэ къызэритыщтыгъэмкIэ, терактым изэхэщэнкIэ зэгуцафэщтыгъэхэу къаубытыгъэхэр IэкIыб къэралхэм яцIыфыгъэх.

2004-рэ илъэсым Беслан къыщыхъугъэ терактым хэкIодагъэхэм япчъагъэкIэ ебгъапшэмэ, "Крокус Сити Холлым" къыщыхъугъэр ащ къыкIэлъыкIуагъ. Джырэ Урысыем итарихъ итеракт анахь инхэм япчъагъэ ахэхьагъ.

Террористхэр жъалымэу зекIощтыгъэх. Апэ къифэхэрэр аукIыщтыгъэх, тIысыпIэхэм машIо акIадзэщтыгъэ, такъикъ 18-м къыкIоцI цIыфхэм IашэкIэ яуагъэх. Политическэ джэпсалъэхэр къамышIэу, гъэрхэр амыштэхэу, зыпарэкIи къэмыдаохэу концерт залыр къабгынагъ.

СОБР-м ыкIи ОМОН-м акIуачIэхэм тхьамыкIагъо къызщыхъугъэ чIыпIэм гъогухэм атетыгъэ автомобилыбэм апкъ къикIэу зэджэм къекIолIэнхэу амал яIагъэп. Къызэрэсыгъэхэм тетэу псаоу къэнэгъэ цIыфхэм якъычIэщын фежьагъэх. ОшIэ-дэмышIэ IофхэмкIэ Урысыем икъулыкъу ыкIуачIэхэмкIэ машIор агъэкIосэжьыгъ.

ХэкIодагъэхэм сабыих ахэтыгъ, Азербайджан, Армением, Молдавием, Кыргызстан, Белоруссием къикIыгъэхэр къахэкIыгъэх.

Терактыр дунаим щаумысыгъ, хэкIодагъэхэм афэшъыгъуагъэх.