УФ-м зыкъэухъумэжьынымкIэ и Министерствэ имобили­зационнэ резерв иугъоинэу Мыекъопэ къэзэкъ отделым и Джэджэ район къэзэкъ обществэ иатаманэу Виктор Гречка пэщэныгъэ зыдызэрихьагъэр ыкIэм фэкIуагъ.
Угъоинхэм адакIоу къэзэкъхэм шIэныгъэхэр ыкIи шIыкIэ-­амалхэр зэрагъэгъотыгъэх, ахэм ахэхьэ щэрыоныр, пытапIэм екIу­гъэныр, гъэрхэр шъхьафит шIыжьыгъэнхэр, медицинэ Iэпы­Iэгъу псынкIэ арагъэгъотыныр. Егъэджэнхэр IэпэIэсэныгъэ ин зиIэ инструкторхэу дзэ къулыкъум хэшIыкIышхо фызиIэхэм ыкIи хэушъхьафыкIыгъэ дзэ операцием хэлэжьагъэхэм зэхащагъэх.
Къэзэкъхэм яобществэ хэтхэм ежьхэм яшIоигъоныгъэкIэ мобилизационнэ резервым хэ­хьанхэ амал яI, ащ пае ищыкIэгъэ зэзэгъыныгъэхэр адашIы. Атаманым къызэрэхигъэщы­гъэм­кIэ, къэзэкъ пэпчъ ихэ­гъэгу фэ­шъыпкъэныр, къыухъумэныр ипшъэрылъ.
Мобилизационнэ угъоинхэм язэфэхьысыжьхэмкIэ, атаманэу В. Гречка ыкIи къэзэ­къэу Е. Лапиным щытхъу тхылъхэр афагъэшъошагъэх.
Хэгъэгур къэухъумэгъэнымкIэ къэзэкъхэр ренэу апэ итыгъэх, мы мафэхэми ащ нафэ къешIы япшъэрылъхэр дэх имыIэу зэрагъэцакIэхэрэм.