Адыгеим икъэралыгъо автоинспекторхэм гъогурыкIоныр щынэ­гъон­чъэным фэIорышIэрэ егъэджэн сыхьатхэр урамхэм ащызэхащагъ. Анахьэу анаIэ зытырагъэтыгъэр лъэсрыкIохэм хэукъоныгъэу гъогум щызэрахьэхэрэр ары.

Ныбжь зэфэшъхьаф зиIэу гъогурыкIоным хэлажьэхэрэр къагъэуцухэзэ, зэдэгущыIэгъу­хэр адашIыгъэх. Икъоу шап­хъэхэр агъэцэкIэнхэм, гъогум пстэуми шъхьэкIэфэныгъэ щы­зэфашIыным, сакъыныгъэ ахэ­лъыным мэхьанэ зэряIэр агу­рагъэIуагъ.
Iофтхьабзэр зыщыкIорэ ­уахътэм тефэу лъэсрыкIоу къагъэуцугъэхэм хэу­къоныгъэу зэрахьагъэхэм анаIэ аты­рарагъэдзагъ, ахэр къахэмыфэжьынхэм къыфэджа­гъэх.
Автомобилыр зезыфэхэрэм лъэсрыкIо зэпырыкIыпIэм къы­техьэгъэ лъэсрыкIор благъэ­кIынэу зэрэщытыр, ащ фэдэ чIыпIэхэм зэрычъэхэрэм илъэ­шыгъэ нахь къыщагъэкIэнэу араIуагъ. Ащ дакIоу ежь лъэс­рыкIохэри хэушъхьафыкIыгъэ зэпырыкIыпIэхэм гъогур зэрэщызэпачынэу щытыр, ащ зытехьэхэкIэ, автомобилыр къызэтеуцуагъэмэ апэ еплъынхэу зэрэщытыр агу къагъэ­кIыжьыгъ.
ГъогурыкIоныр щынэгъон­чъэным фэIорышIэрэ мыщ фэдэ егъэджэгъу сыхьатхэр цIыфыбэ зыщызэрэугъоирэ чIыпIэхэм инспекторхэм ащызэхащэнхэу рахъухьагъ.