ФутболымкIэ Урысыем изэнэ­къокъу иятIонэрэ лигэ икупэу «Б-м» хэт «Зэкъошныгъэр» мы мафэхэм «Легионым» дешIагъ. Махачкала щыкIогъэ зэIукIэгъур 1:3-у хьакIэхэм ахьыгъ. Мы илъэс ешIэгъумкIэ тикомандэ апэрэ текIоныгъэ къыдихыгъ.

«Легион» — «Зэкъошныгъ» — 1:3 (0:1).
Къэлапчъэм Iэгуаор дэзыдзагъэхэр:
Е. Рагулькиныр — 0:1, Г. Абдуллаевыр — 0:2, Р. Полковниковыр — 1:2, А. Зезэрэхьэр — 1:3.
«Легионым» хэтыгъэх:
А. Герасимовыр (къэлэпчъэIут), Ш. Га­сановыр, А. Исмаиловыр, О. Цечоевыр,
Б. Гам­затовыр, О. Коротковыр (З. Хабурзаниа), Н. Красновыр, К. Курбановыр,
А. Панаевыр, Р. Полковниковыр, М. Ибрагимовыр (А. Токаевыр).
«Зэкъошныгъэм» щешIагъэх:
М. Вертиевыр (къэлэпчъэIут), М. Гаджимагомедовыр, У. Магомедбековыр, Т. Мохба­лиевыр, С. Черджиевыр, К. Юшко, З. Ко­блыр (Э. Цанава), А. Малкандуевыр (А. Зезэрэхьэр), Г. Абдуллаевыр (А. Делэкъор), Д. Антоненкэр (Н. Сергеевыр), Е. Рагулькиныр (Д. Кравченкэр).
«Зэкъошныгъэм» текIоныгъэр къыдихынэу Махачкала кIуагъэ. Апэрэ таймым командэхэр цыхьэшIэгъоу ешIагъэх. Ау я 34-рэ такъи­къым бысымхэм пчъагъэр къызэIуахын амал яIагъ. Болачи Гамзатовыр къэлапчъэм дэуагъ, ау Iэгуаор дидзэн ылъэкIыгъэп. Ащ ыуж я 42-рэ такъикъым «Зэкъошныгъэм» ифутболистэу Евгений Рагулькиным пчъагъэр къызэIуихыгъ. Я 61-рэ такъикъым тикомандэ хэтэу, ыпэкIэ «Легионым» щешIэгъэ Гаджимурад Абдуллаевым къэлапчъэм Iэгуаор дидзагъ, пчъагъэр 0:2 хъугъэ. Охътабэ темышIэу бысымхэм зы Iэгуао тикъэлапчъэ къыдадзагъ — 1:2. Ау я 89-рэ такъикъым Зезэрэхьэ Артур къэлапчъэм Iэгуаор дидзи, 1:3-у ешIэгъур аухыгъ.
Я 6-рэ турым къыдыхэлъытэгъэ ешIэгъу­хэм ащыщэу джыри тIур 3:1-у аухыгъэх. Пэрытныгъэ зыIыгъ командэхэм ащыщэу «Рос­тов-2-м» къытекIуагъ «Динамо» (Ставрополь), «Кубань Холдингыр» «Шъачэ-2-м» нахь лъэшыгъ. Хасавюрт къэзыгъэлъэгъорэ «Победэм» «Астрахань» къышIуихьыгъ. Джащ фэдэу «Рубин-Ялтэр» «Динамо-2-м» текIуагъ, Налщык ыкIи Назрань ащыкIогъэ зэIукIэгъухэм пчъагъэр ащызэфэдизыгъ.
Я 6-рэ турым изэфэхьысыжьхэр:
«Астрахань» — «Победа» — 1:2, «Спартак-Налщык» — «Севастополь» — 2:2, «Кубань Холдинг» — «Шъачэ-2» — 3:1, «Рубин Ялта» — «Динамо-2» — 3:0, «Рос­тов-2» — «Динамо Ставрополь» — 1:3, «Ангушт» — «Нарт» — 0:0, «Легион» — «Зэкъошныгъ» — 1:3.
ТекIоныгъэу къыдихыгъэм ишIуагъэкIэ я 12-рэ чIыпIэм щытыгъэ «Ангуштым» «Зэ­къошныгъэр» кIэхьагъ. КъыкIэлъыкIощт турым, мэлылъфэгъум и 26-м, мы командэхэр Мые­къуапэ щызэIукIэщтых. Джырэ уахътэм «Кубань Холдингыр» апэрэ чIыпIэм щыт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Кубань Холдинг» — 12.
2. «Ростов-2» — 11.
3. «Шъачэ-2» — 11.
4. «Динамо Ставрополь» — 11.
5. «Рубин Ялта» — 11.
6. «Севастополь» — 11.
7. «Легион» — 10.
8. «Победа» — 10.
9. «Спартак-Налщык» — 8.
10. «Нарт» — 6.
11. «Астрахань» — 5.
12. «Зэкъошныгъ» — 4.
13. «Ангушт» — 4.
14. «Динамо-2» — 0.