Адыгэ Республикэм щыпсэурэ православнэ чыристанхэу лъытэныгъэ зыфэтшIыхэрэр!
ТичIыпIэгъу лъапIэхэр!

Пасхэ мэфэкI лъапIэмкIэ тышъу­фэгушIо!
Мы мэфэкI нэфыр гъэкIэжьыныгъэм, цIыфыр ыгукIэ нахь къабзэ зэрэхъурэм ятамыгъэу щыт. ЛIэшIэгъу пчъагъэ хъугъэу Пасхэм ихэбзэ шIагъохэу зэрыгъуазэхэрэр шIум, гукIэгъум, лъытэныгъэ зэфыряIэным, мамыр щыIакIэм, зэгурыIоныгъэ ахэлъыным къафэджэх. Ахэр сыдигъуи лъэпкъ, дин зэгурыIоныгъэм игъэпытэн фэлажьэх, цIыфхэм щэIагъэ ахэлъыным, ахэр зэрэлъытэнхэм, ягухэлъхэр къадэхъунхэм пае акIуачIэ нахь зэдырахьылIэным афэIорышIэх.
Мыщ фэдэ мэфэкI лъапIэм Адыгеим ис пстэуми псауныгъэ пытэ, щыIэкIэ-псэукIэ дэгъу яIэнэу, насыпышIонхэу тафэлъаIо тшIоигъу! Мыщ фэдэ мэфэкI мэфэ нэфхэр гушIуагъокIэ, шIулъэгъукIэ, насыпкIэ, зэхэшIэ анахь къабзэхэмкIэ орэбаих!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет – Хасэм и Тхьаматэу
Владимир Нарожнэр